In dem(e) name ghodes amen wy Radman(n)e to Stendal beke(n)nen vnde / betughen openbare in dessem(e) bryͤue , vor allen luden de dessen brẏff / seen edder hoͤren lesen , dat wẏ vnse(n) truwe(n) borghe(re)n de kremer(e) synt / med Rade vns(er) klokesten borgher(e) hebb(e)n gegheue(n) eyne ghulde vnde / eyne Jnnynghe med sodan(en) rechte alse hirna beschr(eu)e(n) steyt To dem(e) yrste(n) / male so en schalme neme(n)de gheue(n) der krem(ere) ghulde he en sy yrste(n) / vnse borghere , Vortmer eyn kynt des syn vader de ghulde vorghehaͤt / heft ys yd bedderue , dem(e) schalme de ghulde gheue(n) to der yrsten / morghe(n)sprake wan yd darv(m)me byddet vnde schal gheue(n) vor syne(n) / aneghank dryͤ schillinghe stendalsch(e) pe(n)nynghe de dy ghulde allene be=/holden schal vnde schal gheue(n) dryͤ pe(n)ninghe dem(e) schryuer vnde dem(e) / knechte , wer(e) aver vns(e) medeborgher(e) wolk des vader de ghulde vor / nicht ghehaͤt hedde den schalme togheren wan he vm(m)e de gulde / byddet wante to der drudde(n) morghe(n)sprake , so schalme en to der gulde neme(n) / des he ane bose ruchte ys vnde schal gheue(n) vor syne(n) aneghank dryͤ pu(n)t / stendalsch(er) pe(n)nynghe der pe(n)nynghe schal de stad neme(n) twe deel vnde de / gulde eyn deͤl wer(e) ok e(n)nych ghast bute(n) der stad to Stendal beseͤte vnde / begherede der kremer ghulde de schal wy(n)nen de burschaͤp den schalme ok / togheren wan he v(m)me de gulde byddet wante to der drudden morghen/sprake so schalme en to der gulde nemen ys he ane bose ruͮchte vnde / schal gheue(n) vor syne(n) aneghank dryͤ punt stendalsch(e) pe(n)nynghe der pe(n)=/nynghe schal de stad nemen twe deͤl vnde de gulde eyn deͤl vortmer / kremer(e) wo(n)naftich in den steden vnses heren des markg(ra)uen de moͤghe(n) / med vnsen kreme(re)n stan in den jarmarkeden de wyle dat sy waren , vnde / ok in twen marktdaghen in jsliker weke de kremer(e) auer dede wonen / vppe(n) doͤrpere(n) vnde in nener stad vnses heren des markghreue(n) de burschap / hebben de schulle(n) nicht stan to Stendal med vnse(n) kreme(re)n edder oͤr va / vtlegghen wan allene in den Jarmarkeden Vortm(er) kremer(e) dede / kruͮde hebben van Collen edd(er) van meyborch edder van wolke(n) landen / sẏ koͤmen de moghe(n) med vnse(n) kreme(re)n stan vnde vtlegghen in den Jarmar/keden vnde in eyne(n) marktdaghe in ysliker weke Ok schal neͤn kremer(e) / he sy vroͤmde edd(er) nicht stan vor den kerken edder syn ghuͮt vor den / kerken vtlegghen // Ok schal neme(nt) de desse gulde nicht en heft kru¹ / kruͮde dat to der kremerye hoͤrt , was muͮttzen , arracz , voderdoͤk , / parchem boͤmwulle syde , vnde sydenbant vnde alle dat to der kreme/rye hoͤrt entelen vorkopen sunder de kremer(e) de med vnsen kreme(re)n / alse vorschreue(n) steyt to markede staͤn de moghen sodan(e) ghut alse to / der kremerye hort entelen vorkoͤpen de wyle dat sy med vnse(n) kre/me(re)n to markede stan , wolde anders yme(n)de sodan(ne) ghat alse to der / kremerye hoͤrt vorkopen de scholde dat tosam(m)en vorkopen Vormer² / de ghene de hosen pleghen to brenghende de scholen nicht stan / vnder der louͤen sunder sy moghen stan by vnse(n) kreme(re)n in den Jar=/markeden vnde in twen marktdaghen in Jsliker weke alse verne alse / sy wonen in den steden vnses heren des markghreue(n) , vnde schulle(n) oͤr(e) / hose(n) nicht sunderliken vorkopen sunder tosamen to my(n)sten vppe / eyne(n) halue(n) dosyͤn moghen sy vorkoͤpen , breke yme(n)de an desser vor/schreue(n) stukke woͤlk(e) de scholde beteren med ses schillinghe(n) ste(n)dalscher / pe(n)ni(n)ghe de schal de stad vnde de ghulde lyke deylen ,, Vortm(er) koft(e) / we van vnse(n) kreme(re)n e(n)nych ghuͮt de schal syne ghuldebruder(e) de dar/tomate tokomen mede laten an staͤn oft sy des beghereden dede he / des nicht so scholde he beteren med ses schẏllinghen ste(n)dalsch(e) pe(n)ni(n)ghe / de schal de stad vnde de ghulde like deylen We ok van vnsen kremere(n) / de morghe(n)sprake vorsumet wan sy em gheku(n)dighet ys de schal be=/te(re)n med neghen pe(n)ynghe(n) de behoͤlt ore ghulde allene .Vorsumet / auer yme(n)de de morghe(n)sprake homadechliken to dren stu(n)den wan sy / em gheku(n)dighet ys de schal der ghulde entberen wy(n)net he de ghulde / wedder wes dar ane velt des schal de stad nemen . twe deel vnde de / ghulde eyn deͤl We ok syne(n) ghuldebruder(e) myshandelt med bosen / worden de schal bete(re)n med veftehalue(n) schillinghe pe(n)nynghe ³ ste(n)dal/sch(e) pe(n)ni(n)ghe de schal de stad vnde de ghulde lẏke deylen , Vortm(er) eyn / jslik van der krem(er)ghulde schal by syne(n) mede ghūldebruder(en) in syne(n) / noden buten der stad to Stendal . eyne(n) dach vnde eyne(n) nacht blyue(n) / wan he des van em beghe(re)nde ys we daran brekket de schal der(e) / ghulde entberen . We ok de byghraft synes medeguldebruders de / ghestorue(n) ys ane echte noͤt vorsumet de schal gheue(n) eyn halff / punt wasses We ok eyne ander(e) elyke husfrouwe nemet der he / desse ghulde edd(er) bruderschap werue(n) wyl de schal vor oͤren aneghank / gheuen achteyn stendalsche pe(n)ynghe de schal de ghulde allene / beholden wolk ghuldebruder(e) sik ok lecht wedd(er) de guldemester(e) vnde / wedd(er) de⁴ syne medeguldebruder(e) de schal der ghulde entberen wes ok / de mesten deͤl der guldebrudere gudes to rade werde dat schulle(n) de an=/de(re)n ghuldebrudere fulborde(n) des dat schūet med fulbort vnde med / willen der Radma(n)ne ,, Vortm(er) schullle(n) vnse kremer(e) vroͤmden kreme(re)n de / med en stan in allen warynghe doͤn vnde vynden sy wat valsches by vro(m)de(n) / kreme(re)n dat schulle(n) sy brenghen vor de Radma(n)ne wes dar ane velt / des schal de stad nemen twe deͤl vnde de ghulde eẏn deͤl Scheghe ok / dat vnse kremer(e) sik setten wedder de stad des wy nicht enlouen so / schulle(n) de dyͤ des Jares Radma(n)ne synt vulle macht hebbe(n) ore ghulde / gentzlike(n) nedd(er) to legghende Vortmer wan de nye(n) Radma(n)ne ghe/koren syn⁵ , so schulle(n) ore ghekoren guldemester(e) des neghesten vryͤdaghes / darna kome(n) vppe de loue(n) vor de Radma(n)ne vnde schulle(n) sweren desse / vorschreue(n) stukke to holdende alse sy vorschreue(n) steyt⁶ synt Med or=/kundedesses bryues dar wy vnser stad grote Jngheseghel an hebbe(n) / laten henghen na ghodes bort dusent Jar(e) darna in dem(e) vyͤrhūn=/dersten Jare des neghesten sondaghes vor pynghsten Don Radma(n)=/ne weren Veltze noppo heyne franke Cune kalue lemke ebelingh / Cune van ekstede ghe(re)ke bysm(a)rke Claus schadewachte(re) heyne boldeke / bartolomeus klynke hans Rynow(e) ha(n)s ellinghe vnde heyne pokebusch