IN deme Namen der heiligen driūaldicheit . amen Otto . Johan . Waldemer . van der gnade godis Marchgreuen van Brandenborch vn(de) / van Landesb(er)ge . allen cristene(n) lude(n) di dessen brief seen . vn(de) hore(n) . heil an vnsem heren gode , Sint alle ding di di lude in d(er) v(er)genglike(n) tith began . dicke mit d(er) / tith v(er)gan . oft si nicht new(er)den gestediget mit d(er) scrift . od(er) mit d(er) tuge munde . Hir vmbe so wille wi . dat dit witlic si . vn(de) openbare alle(n) luden di nu sint vn(de) hir na / komen scolen . vn(de) toge(n)t mit dessem iegenwordigem brieue . Dat wi mit vsern vnsen manne rade . vsen lieue(n) borge(re)n van Stendale . Vn(de) allen ern nakomelingen / v(er)koft hebben . vn(de) tuͦ enem rechte(n) egendome gegeue(n) . Dat wi alle di vriheit dien vse elde(re)n . vn(de) wi selue gegeuen [hebben in] ern hantfeste(n) . vn(de) brieue(n) bewisen / mogen . de scole wi . vn(de) vse nakomli(n)ge . En . vn(de) ern nakomli(n)gen . ganz . vn(de) vntebroke(n) ewichlike(n) holden . [vnde ... ] nakomli(n)ge nescolen desse benomede / borge(re) noch er nakomlinge . nicht mer mit mirhande ? sake . noch ninleige not beswaren .wan dat si alle jar [...] marc geue(n) . di si in ern olde(n) hantfeste(n) / hebben . Di scolen si half geue(n) to sente wolborge dage . vn(de) half to sente Mertens dage . So ne scole wi si nicht [...] dem iare bidden . noch nicht benoden . / noch beswarn . swelc not vns an lege(n) . od(er) dem lande . Noch mit scutten . noch mit wegendineste . noch mit volgen[...] marke . et si ou(er) elue od(er) di ore . od(er) di bise / od(er) iergen vt d(er) marke Swenne dese benomeden hundert marc vs wed(der) ledich w(er)den . di nescole wi nergen and(er)s vorwisen . noch v(er)ligen .wente di selue(n) / borge(re) . vn(de) ere nakomli(n)ge . scolen si vs . vn(de) vsen nakomlinge(n) selbe ewichlike geuen . vn(de) scolen van vs . vn(de) van vsen nakomlingev binne(n) deme Jare / mer vmbenodet bliuen . Were ok dat ande(re) h(er)ren hir na an di stat to Stendale queme(n) . discolde(n) dit selbe holden dat wi hebben gelouet . vn(de) scolen / dissen brief mit ere(n) jngesegelen besegelen . Di wile des nicht neschude . so scolde(n) vse loue(n) di hir na stan bescreue(n) . to Stendale in riden . vn(de) nimm(er) vtko=/men . dit nesi geschen . Alle desse benomtde vriheit . di scole wi . vn(de) vse nakomli(n)ge . dessen borge(re)n . vn(de) ere(n) nakomlinge(n) . ewichlike(n) . ganz . vn(de) vntebroke(n) holden . / Hir vore hebbe(n) entruwen gelouet vse man . alle di ridde(re) . vn(de) knapen vp dem huse to wolm(er)stede . alle di ridde(re) vn(de) knape(n) vore ang(er)munde . di vp dessen velde(n) / husen borchleen hebben . Swe(n)ne dat oc geschith . dat desser ridde(re) od(er) knapen ienich ersteruet . sin sone scal loue(n) als sin vad(er) gelouet hadde . Vure oc ienich / van dess(er) huse ienich . swi in sine(n) hof queme . di scolde loue(n) als ande(re)n hebben gedan . od(er) he nescolde nimm(er) an sin borchleen kome(n) . Dat scolen di ratma(n)ne van / Stendale den ande(re)n ridde(re)n vn(de) knape(n) kundege(n) . di scolen to amlc to Stendale in ride(n) to liggene . ni(m)m(er) vt tokomene et ne si mit d(er) ratma(n)ne wille binne(n) dem / manede dat et en gekundiget wart . Hir mede hebbet gelouet entruwe(n) mit samend(er) hant Twelf ridde(re) vn(de) knapen vt d(er) marke den selven borge(re)n . alle desse / benomede ding also to aldene . als di van wolm(er)stede vn(de) van ang(er)mu(n)de . Dit sint desse vt d(er) marke . H(er) herman van Gardelege . H(er) Thid(er)ic van Luderiz . / H(er) Henni(n)g van Buzst . Gercke h(er)n Meinardes sone . van Rochowe . Henni(n)g h(er)e albrechtes sone van Lud(er)iz . Henni(n)g h(er)n Conrades sone van swechten . / Hinric h(er)n Hinrickes sone van Rochowe . Henni(n)g van Brunkowe . vritzeke . van Schepeltz .Henni(n)g van warborch . Beteke(n) van Burst . kuneke / van Ost(er)borch . Desse hebbet gelouet als di van wolm(er)stede . vn(de) di van ang(er)mu(n)de . Swe(n)ne van dessen ienich st(er)uet . sin oldeste sone scal geloue(n) als di vader / hadde gedan . Enschude des nicht . di Ridde(re) vn(de) knape(n) scolden in riden to Stendale . to liggene . als hir vorgeseget is . Storue oc desser enich ane erue . / so scolde wi vorgenomede h(er)ren . wi Marchgreue(n) . od(er) vse nakomli(n)ge . binne(n) dem manede . dar it vs di Ratma(n)ne van Stendale kundigede(n) . ene(n) and(er)n like / vrome als di was . in sine stede wed(der) sette(n) . od(er) di loue(re) to male in ride(n) , als hir vorgescreue(n) stat . Alle desse benomede vriheide . hebbe wi vor vs . vn(de) vor alle / vse nakomlinge . Dessen borge(re)n van Stendale . vn(de) ern nakomli(n)gen ewlike . ganz . toholdene gelouet . vn(de) vnto[broken ...] dat vor . od(er) vse nakomli(n)ge desser stat / he enich breke(n) dar got vor beware . binne(n) dem manede dat dit di ratma(n)ne van Ste(n)dale en ku(n)degede(n) so [scolen ... ] to male in ride(n) to Ste(n)dale to liggene . Wante sy ? dit wed(der) dan wllenkomliken [we ?] . Hir vmme hebben desse selue(n) [wil ?] van Stendale [...] hundert marc . Hir vp hebbe wi en des=/sen brief gegeuen mit vsen ingesegelen [gesegelt] in ener ewige(n) tuginge . Vn(de) is geschen in dem dorpe to vil[... jeghe]nwerdich ware(n) . vse drotsate ? . H(er) / Nycol[aus] van buck . vn(de) vse voget Hinric van Rochowe di alles desse ding to wege brachte(n) vn(de) ordinire(t) [...] dar alle di loue(re) . Ridde(re) . vn(de) kna=/pen vn(de) dar tu vele bederu(er) . vn(de) warheftig(er) lude . Vn(de) is geschen in dem . Jare van godes bort . Dusent Jar . vn(de) [verhund(er)t] Jar . in dem veften Jare . an sente / Johannes baptisten dage to middem some(re) . Mit der hant h(er)n zacharieses . vses kappellanes . to Stendal Canonikes .