Ik frantcze frantczoẏser bekenne apenbar mit dissem briffe , vor mÿ mẏne eruen vnd vor allen den Jennen / de dussen breff sehn edd(er) horen lesen , So alse der Jrluchte hochgeborn furste vnd herre her frederick dy Junger , / margg(re)ue to brandemborch (etc) , mÿn gnedige liue here , my sodan lantrident Im lande to stendal de tẏd / myns leuendes tobestellen vnd trewliken uthtorichtende mit allen saken na lude siner gnaden briffe / mẏ dar ouer gegeuen befolen hefft , also hebbe ik sinen gnaden wedderv(m)me geredet vnd gelouet dat ik / sodan(e) lanthrident trwliken vorstan vnd als ander lantrider(e) bestellen dun , vnd wes mick sine gnade/heiten edder toentbeden wertt , edder de sinen dem se g(er)ne dun wil , vnd hebbe furder alle schult vnd / tosprake de ik to sinen gnaden vor schaden schult edder szus Jengerley andersake wegen meynde to hebb(e)n / vor my vnd myne eruen gentczliken losz gelaten vnd quith ? , gegeuen , sunder myne myn(n)er erue(n) / edder ymandes inszaghe forderinge edder hulperede In crafft vnd macht diss(es) briffes anegeuerde / Desses to groter bekantnisse vnd orkunde hebbe ik myn Ingesegel witliker mit guden wil=/len laten hengen nedden an dessen briff dede geszcreuen is nah Cristi vnnses hern gebortt / virteinhundert Jar vnd dar nah Im(e) drevndevefftigestem Jare Am(e) mandage nah vnnser liue(n) / frowen dage Concept(i)on Hir an vnd ouer sin gewesen Arnd von luderit myns hern houetman / ludelff von biszmarke myns hern marschall Claws mower myns hern voget vnd werner(e) / Jansman siner gnaden schriuer(e) /