Ick frentzell frantzoyser Borger(e) to Stenndall Bekenne opintliken Jnn vnnd mit dussem(e) / briue vor allen de ohn sehn horen edder lesen , dat ick deme Ersamen Rade hir sulues / to Stenndall vnnd oren borgheren vnnd Inwannen mit allen den Jennen dhe / Jnn der saken vordacht sin edder todonde mochten hebben eẏne rechte orfeyde sone / vnnd freden vann deswegen , dat se my van vnsuchliken seggerye den Rad mede / belangen Jnn ticht vnnd Jn der Stadt festen gehat vnnd geholden hebben , ge / lauet vnnd liffliken mit vpgelechten vingheren to gade vnd den hillighen / geswaren hebbe , de toholden alse orfeyden recht vnnd gewonheyt is , vnd also / dat ick vnnd myne frunde gebaren vnnd vngebaren vnnd alle de Jenne / de v(m)me mynen willen don vnnd laten willen vnd schuͮllen num(m)ehr(e) darup / saken noch Jennige forderinge mit rechte edder ane recht daru(m)me dhon noch / schullen , Ick gerede vnnd gelaue ock by mynen waren willen , Jn gheliker / eedes staed , dat ick my nw fordermehr(e) wenth an mynes leuendes ende Jegen / den Rad mit worden vnnd wercken gehorsamliken wille hebben vnd holdenn(e) / ane argelist , vnnd des to vaster holdinge hebbe ick dusse hir nageschreue(n) Arnnd / cleinow vnnd Clawes gruben myne gude frunde deme gnanten Rath tho rech=/the borgen gegeuen vnnd gesat , dath also offt orer eyn edder sie beyde vann / dodesweghen ehr wan ick affghinge edder affginghen , alsdenn(e) schall vnnd / will Jck deme Rade eynen edder twe so gude vnnd stathafftige borghenn / an(e) ore stede wedder settenn vnnd lauen lathen Jnn eyneme bsundere(n) briue / dat wy vor deme gnanthen frentzell frantzoyser wo vorberort geret vnnd / gelauet hebben Reden vnnd lauen ock yegenwardighen dat duth also ane / Jennigerleye argelist edder geuͮerde woll scholle geholden werden Jnn Crafft / dusses briues , Tho orkunde hebben wy upgnant frentzell frantzoyser sake=/woldich , arnnd cleynow vnnd claus grube Borgen eyn Jslick besunderen / tobokentnisse vnnse Jnngesegell an dussen briff hangen lathen na Cristi / gebort vyrteinhundert darna Im(e) negentigsten Jar am(e) frydage nha Maw=/[ritii]