van Deme weyd kope der Burenwefer / anno (etc) d(o)m(ini) cccc lxxxx ¹

De Radmann hebbenn de erringhe vnd / twischeligen saken de suslange twissche(n) , / der lakemaker guldermeister(e) van orer gulde , / wegen eynes artikels haluen den se / in oreme guldebriue hebben so ludenn(de) . / dat nymant schall vngeprouͤeden / wet kopen vnnd den ock nicht tho sick / nemen he wete euͮen wo he den gelde(n) / schall by pene viff schilling(e) (etc) an / eyneme vnnd de burenweuer sampt/liken vnnd bsund(e)rn so se daru(m)me vast / bededinget sint worden ame ander(e)nn / deyle , gewest sy mit orer beyder wylle / bygelecht vnnd gentzliken gericht . also / dat nu fordermer de bure(n)weuer sampt/liken vnnd bsunder(e)n frig vnd vnghe=/hindert wet kopen mog(en) ² ed sy hir edder anders / war vnnd de gnant(en) lake(n)makermeister(e) / vann orer gulde wegen schollen sick des / artikels darup luden(e) So de Rad den gentz/liken affgelecht vnnd torugge affgesat / hebbe(n) nicht mehr(e) gebruͦken noch se ẏe=/nigerley wysz vann deswegen bededinge(n) / daruͦar vnnd to eyner vor wedder sca=/dinge brokehaluen de villichte der Stad / hedden mogen tokamen . hebben de buͮre(n)/weaer deme Rade Souen margk de sie / in der Stad framen win des noth vnd / bohaff was gekert vnnd gewant hebbe(n) / gegeaen . de Rad hebben ock wedder u(m)me / den lake(n)makermeister(e)n geghu(n)net vnnd / togestadet ghun(n)en vnnd tostaden dat / ock ytzt yegenwardigen dat se vor de / toruggesettinge des artickels so ehn ores / deyles derhaluen van broken hedde / macht tokumen . alle yarlikes van den / broken Inn orer gulde gefallen deme // Rade tokamen(en) , de sie dem(e) Rade vpbringe , / werden vyr schillinge touor(en) scholle , / Innbeholden vnnd afftho(e)n To orkund / geschreaen Inn der Stad boͤck am(e) fridage / nha letare anno Ixxxxto