Ick Peter Schenke wanhaftich thu lutkeswecht(e)n Bekenn(e) apenbar betugende Jn vnd(e) myt krafft dusses briues Dat Jck myt / willen vnd(e) fulborth Her(e)n frederiks domhe(re)n tho Halb(e)rstadt vnd(e) tho Stendall vnd(e) Curdes myne(r) broder(e) alle gheheten / de Schenken vor kofft hebbe vnd(e) vorkope dem(e) Erhaftig(e)n he(re)n Nicolas Insell vicario In vnse(r) liue(n) frowen kerken tho / Stendall vnd(e) hebber dusses briues myt synen gude(n) will(e)n eyn(e) Marck pe(n)ni(n)ghe Jarliker pechte vnd(e) renth(e) in vnd(e) vth(e) / vnsen redesten vnd(e) wissze(ste)n renth(e)n de wy hebben Jnn vnsem(e) dorpe lutkeswechow(e) Benomliken auer titke Borstels husz vnd(e) hoff / vnd(e) alle des huͦues [...] viff schilling(e) [...] husz vnd(e) hoff vnd(e) des haues thobehoring(e) viff schilli(n)g(e) / auer Hans [...] husz vnd(e) hoff vnd(e) alle des haues thobehoring(e) viff schilli(n)g(e) auer herme [...] husz vnd(e) hoff vnd(e) / alle [thobehoringe ...] viff schilli(n)ge auͦer Claus volger husz vnd(e) hoff vnd(e) [...] thobehoring(e) vif schilling(e) / auer Hans [...] husz vnd(e) hoff vnd(e) alle des haues thobehoring(e) vif schilling(e) Heino kerstens husz vnd(e) hoff myt / aller thobehoring(e) [...] alles Stendelsch(er) wering(e) Hir vor hefft [...] de vorgna(n)te Her Nico/laus Jnsell wol [...] gegeuen vnd(e) rede auer getalt veftheyn marc stend[alscher] wering(e) de ick ock Jn mynen / vnd(e) Jn myner erue(n) nuth vnd(e) framen gewant vnd(e) gekarth hebbe vnd(e) Sodan(e) Renth(e) scale(n) vnd(e) will(e)n de v(or)gna(n)ten / me(n)ne vnd(e) alle nakameling(e) besitte(re) örer husze vnd(e) haue edder bedriuer der haue thobehoring(e) It sint ? wiske holte effte / acker wissen effte weide effte wudane it sy alle Jar(e) Brengh(e)n vnd(e) betalen dem(e) begna(n)ten Her(en) Nicola(us) Insels effte bsitte(re) ? / desses breues myt synen guden willen Jn den hilgen pasken negest kamende anthoheuende vnd(e) dar namals alle Jhar(e) / vppe(n) don sulften pasken Jn de Stadt Stendall ane alle hulperede Jnsage behelp vnd(e) alles r(e)cht(e)n mede ick myne brod(ere) / effte vnsze eruen effte besitter der haue edder bedriuer der haue thobehoring(e) Jchtzwes Jn tokomen(den) tiden nnicht(e)n ? mede behel/pen den wy alle efftichting(e) dhon Jn krafft desses breues vnd(e) staten den gna(n)te Her(e)n Nicolau(s) Insell efft hebber dusses breuis / myt syne(n) guden willen Jn de Roulike vnd(e) fredesamlike besitting(e) der olbari(n)ge ? der v(or)gna(n)ten Marck Ock wille wy ohn / des kopes vnd(e) der gna(n)ten Jarliken renth(e) auer der gna(n)ten me(n)ne husze haue vnd(e) der haue tobehoring(e) eyn(e) recht/geuer weszen vor alszwem(e) ane alle bohelp Schrutterrede Insag(e) vnd(e) geuerde vnd(e) effte etlike der v(or)benomd(e)n haue vor / wusteden wurd(en) leye wis it ghescheg(e) Edder susz de v(er)ngna(n)te her(e)n Nicolaus Insell effte hebber dusses briues myt syn(en) gud(e)n / willen sodan(e) renth(en) vulle(n)kome(n) nicht enkregh(e)n denn(e) so vake alsze en hinderstellich blifft it wer(e) au(er) eyn [...] effte mehr(e) / hauen [...] vnd(e) willen de ande(re)n van den v(or)benomde(n) me(n)ne(n) edder(e) ? ac nakame(re)n besitte(ren) der haue vnd(e) bedriuer der / houen vnd(e) der haue thobehoring(e) effte wy schi[...] v(or)gna(n)t vth(e) vnsen ande(re)n wissest(e)n Jarlike(n) pechte(n) vnd(e) rente(n) / auer alle vnsze gude(ren) binne(n) vnd(e) vpp(e) der veltmark(e) lutke Swecht(e)n belere(n) dem(e) gna(n)t(e)n her(en) Nicolas Insell effte hebber / dusses briues myt syne(n) guden will(e)n alle Jhar(e) vpp(e) den ? v(or)gna(n)ten pasken Brengh(e)n geue(n) vnd(e) betalen vnd(e) effte / de gna(n)te me(n)ne effte erlike van ohn edder wy ohn sodan(e) Jarlike renth(e) vpp(e) den v(or)gna(n)ten pasken alle Jar nicht en / geuen effte brochten denn(e) scal de v(or)gna(n)te Er(e)n Nicolaus Insell effte hebb(e)r dusses briues myt synen guden willen / macht hebben ane alle rechtesfordering(e) dar v(m)me tho pandende de pende tho vorsettende edder tho vorkopende vnnd(e) / alle syne hinde(r)stellig(e) renth(e) vnd(e) pechte vnd(e) alle syne richteskost vnd(e) scades dar an thobekamen edder(e) suszt myt / geistliken richte effte wertliken war vnd(e) wo ehm dat all(e)r [bedurfnis ?] is tho manende Ock hebbe wy Schenken v(or)gnant / vor vns vnd(e) vnsze erue(n) beholden myt will(e)n vnd(e) vulbort des gna(n)t(e)n her(en) Nicolas Insel effte hebbe(re) dess(es) breues / myt syne(rn) gude(n) will(e)n de macht dat wy sodan(e) Marck myt vefteyn marken Stendelsch(er) wering(e) mogen wedder affkope(n) / welkes Jares wy willen vnd(e) wan wy sodan(es) dhon will(e)n scalen vnd(e) will(e)n wy sodanes vorkundigh(e)n dem(e) gna(n)t(e)n he(re)n / Nicolas effte hebber dusses briues myt syne(n) gud(e)n will(e)n vpp(e) lichtmissen vnd8e) denn(e) vpp(e) pasken dar na vngeferlick ? sodan(e) / vefteyn mark Stendelsch(er) weri(n)ge myt der marck de denn(e) bedaget is alsze vake(n) ? Ock alle ande(ren) hinderstellig(e) pechte gutlike(n) / Jn eyne(n) su(m)men weddergeue(n) vnd(e) betalen alle dusse v(or)berurth(en) Stucke puncte vnd(e) artikele laue wy Schenken v(or)gnanth / vnd(e) eyn(er) islick bsund(e)rn alle like sakeweldich vor vns vnd(e) vnsze eruen stark vnd(e) vaste toholdende ane alle Jnsage hulperede / vnd(e) geuerde des tho mehr(er) bekanthnisse hebben wy He(re)n frederick Curdt vnd(e) peter gehet(e)n van Latzendorff der / herscap tho Brandeburg Marggraue(n) (etc) hoffschenken ? vor vns vnd(e) vnsze erue(n) eyn(er) Jslick syn Jngesegell hangen / vnder an dussen breff Ghegeuen Na cristi vnsres he(re)n geborth Duͦ[ent vnde] virhundert dar na Jn dem(e) Twe vnd(e) / negentigest(e)n Jhar(e) am(e) fridag(e) na dem(e) Sondage letare /