Vor vns Ratmann(e) sint Jegenwardich geko=/men de Guldemester(e) der lake(n)mek(er) gulde / vnd hebb(e)n vns vorgegeuen wo dat se [...]¹ mit / oren oldesten vnd guldebruder(e)n gemeynlik(e)n / allen zu der stat vnd orer gulde beste sint ouer=/eyn gekomen , hebb(e)n ock gewilkort vnnde / gefulbordet , also ² desse hir nabeschreuen pu(n)cte / vnd articule glick ander(e)n artikulen ores / guldebriues jowelk punct by pene ey(n) pu(n)t / pe(n)ni(n)ge dem(e) rade vnd orer gulde glyke todeylen / toholden(e) , Jnt irste vfft eyn mester(e) to den knap(e)n / vnd de knape wedderu(m)me to dem(e) mester(e) ye(n)-=/nige tosprake hedde So schall de dat Jnt irste / vor de Guldemester(e) vorclagen , de sovtigen / schollen vnd mogen alszdenn(e) nach tosprake / vnd antw(or)de , dar twisch(e)n handel(e)n de twist / vnd gebreken Jn der gute bytoleggen konde(n) / edder mochten sie des denn(e) nicht bylegg(e)n / So scholl(e)n sie de mester(e) an beyden parten / vor vns Ratmann(e) se mit r(e)chte toertscheyde(n) / wysen , dar ane scholl(e)n sick ok mester(e) vnd / knapen gnagen lat(e)n forder mehr , So / alset suszlange gewesen dat de knapen Jn dem(e) vastelauende vnder sick plegen / tokesen vir mester knapen , de den gesell(e)n / eyn dell kost vnd bir(e) eynen auent ouer / hebb(e)n moten geuen Scholl(e)n nū so nach / vorlope d(er) tijd dar grotter vnnplicht mochte // vpfallen de vire de also to mester knapen / gekaren werden eyn Iszlick , den knapenn / Jn orem(e) kruge eyn(e) thune(n) birs betalen vnd / nicht mehr vnd dat schall komen vor / dat gemeyne lach Ock schall de / vnordentlike wise alse dat de knapen / gemeynlik(e)n de des vastelauendes / Jn dem(e) lage sint , den ye(n)nen de dat / ampt der lake(n)meker geleret vnd / eyne frouwe genomen hefft de / vote dwagen , dat by se sick mit etende / vnd drinkende vnd sust andern ding(e)n /vnthemelik(e)n holden , gentzlik(e)n anesin / ouerst de yenne den sie de vote dwage(n) / wolden , de schall wan sie tosamm(e)ne sint / Jn oren kruch komen vnd betalen en / aldar(e) eyne halue thun(e) birs vnd nicht / mehr(e) vnd de schall komen vor dat / gantze lach konde sick ock yma(n)t myn / bedingen dat mach woll gesin Sodann(e) / puncte vnd articule gu(n)nen vnd tostaden / wy Ratmann(e) den gnant(en) Guldemest(ere)n / vnd oren guldebrude(re)n toholden(e) glik ander(e)n / articulen ores guldebriues confirmeren / vnd bestedigen en de ock Jegenwardig(e)n / Geschenn(e) am(e) fridage na mi(sercordi)a d(o)m(ini) / anno d(o)m(ini) (etc) Lxxxxvj