Nach godes gheborth Virtheinhunderth vnde Im(e) SoszvndeNegentigest(e)n Jare . hebbe ick hans Buckholt Ghyszen szone van dem(e) Schadewacht(ere)n ghebwet dyth huͮsz vnde twe Jar(e) to varne de dorutzsze ? vnde mẏne / husfrowe heth Alheidt eyne dochter hans luderitzes vnde hebbe mẏt orr ghehath viff dochter Na eyne(n) ander(e)n alsze katherineken . anneken . katherineken . anneken vnde Margaritken / dar nuͮ Katerineken de Middelste nuͮ to dusszer(en) tydt alley(n)ne am(e) leuende van isz Ock hebbe ick ey(n)ne(n) Steff Szone de heth Magister Johannes Benntkow vnde isz ghep(er)monireth To liptzk Jn artibus / Magisters alsze he en vnde twintich Jar(e) olde wasz . Myn vader Ghysze Buckholt hadde drẏ szone alsze Er(e)nn Mathias . Hans . vnde Ghẏsze vnde my(n) vader(e) wasz eyn Mahir bẏ syne achtentich Jaren(e) / vt vnsze Muder(e) zeligher de heth Anna vnde wasz eynes von kockten dochter vnszes vader Muder zeligher . heth Eliszabeth vnde wasz eynes ballenstedes dochter . To Osterholte . de furste / des landes isz de dorghluchtigeste hochgebar(e)nn furste vnde here Er(e)nn Johannes . Marggraffe To Brandemborgh desz hillig(e)n Romesch(e)n Rykes Ertzkamerer(e) vnd Churfurste / To stettin pomer(e)n der Cassuben vnde wenden herthog(e)n Burggrawe to Nurembergh vnde ffurste to Rughen my(n) gnedigester here Eyn Szone Marggraue Albrechtes vnde de / szulffte Marggraue hans hadde hertighe Wylhelms dochter Jn doringh(e)n genometh Marggred ? dar hadde he mede twe Szone alsze Marggraue Joachim vnde Albrecht , van Bischoppe(n) / Grauen vnde Her(e)n de beszethen vnder deͤn ffurstendhom van Brandemborgh synt de Erwerdighe Jn godt vader Otto Byschopp To hauelberghe Eyn vann Konny(n)geszmarck gebar(e)n / Joachim Biscopp To Brandemborgh Eyn van Bredow ghebar(e)n . Diderick . eyn Byscopp To lebusz Eyn van Bulow gebar(e)n vnde de Eddelen vnde wollgebaren(e)n Johannis vnd(e) Jacob / gebruder(e) Graue von lindow heren To Ruͮppin vnde Woker(e)n . Johann Ghuntzell Balthasza(r)e vnde Henni(n)gk ghebruder(e) Zepper vnd achim Gauͮsz . Her(e)n to pethlif ? Erffmarschalk / der marke To Brandemborgh . Desz fursten höuethmahn Jn der Olden marke isz ffritze van der Schulenborgh . van dhomher(e)n To Stendall . synt Johannes Benedictj prowest Im(e) gestlik(e)n / rechte Doctor Er(e)nn Hinricus Velitze deken Er(e)nn ffrederick von lutzendorpp Erffschenke vnd der Cappittels alsze halbirstadt vnde Stendall Senior Er(e)nn herma(n)n(us) pywerlingk Er(e)nn / albert(us) klitzinck . Er(e)nn H(er)ma(n)n(us) Roxe Scolastic(us) Magister Johannes Buckholt Er(e)nn Lafferns pouͮell Er(e)nn Albertus von der Schulenborgh Er(e)nn Mathias Buckholt my(n) Bruder . Er(e)nn / Simon kocht Er(e)nn Mathens Moringk Er(e)nn he(n)ningus Klotze(n) . Im(e) Rade synt hinrick Buckholt vnd(e) hans Buckholt Burgh(er)meister Radtma(n)ne Jacob Grosche Claues / molre wylke fughe hans Schonhusz(e)n hans Castiell hans buckholt(e)n Ghuszen szon(e)n Merten Moringk Merten Bru(n)tkow hans kolk vnde Stefen luderitze de dar isz ey(n) bruder(e) / myner husfröwen Jn dem(e) szulue(n) Jare Jn dre vasten brack de Eluͮe vth Jeghen kokelitze vnde ok twyscken werben vnde Zehusz(e)n vnd(e) an ghenner syde de(re) Eluen an velen Enden / vnde wen de Elue szo nycht were vth gebrak(e)n Szo hedde dat Schar ÿsz van vppstowens halue(n) de borgh to Sandow v(m)me geworpen De houethmaͤn de dar vpp wasz de togh myt / syne(n) wÿuͮe vnde kynder(en) van der Borgh vnde togh wane(n) to Sandow vpp den pharre hoff Szo lange dat de Eluͮe wedder vÿll , Musten de landt myt szampt vnde hulpe der(e) / Stede alsze de van werben Zehusz(e)n vnde Osterborgh eyne(n) Nighen dijͤck vth rijden vnde Maken De Meister(e) de dyth husz bwede de hyth Hans arndes vnde myne ghude Naber(e) / synt Ladewich Moringk vnde wylhelm Lastyͤll Actu(m) ut sup(rea) desz xvj dages der Manten Maÿ / Requiescant In yare amen