Alle den dar desse bref tuͦ kumpt vnde en an sen den do wy ver beata ? ¹ her clawes / wedewe van bulowe vnde henneke erer twier sone witlik , dat wi mit willen . vn(de) mit / rade vnser vrunt , hern hinrikes van bulowe , hern bertolt prenes , hern goschalk pre/nes , clawes van bulowe , clawes vn(de) otten van Gernẏn vor koft hebben Greuen hinrike / van zwerin dat dorp tuͦ wittenvorde alle dat wẏ dar Inne hadden . also it her cla=/wes van bulowe van gherde van deme haghen ghe koft hadde mit also daneme / ghelde alse it Je van oldinghes ghe leghen heft . Jo de mark gheldes de men redeli/ken bewisen mach . vor vifteẏn mark wendescher penninghe sunder dat salomone / deme Joden vor stan was . vn(de) des greuen al rede is . vnde gift dar nige ghelt tuͦ / maket is des dar van oldinges nicht wesen heft des en darf de greue nicht ghelde(n) / dit guͦt scholen alle de up laten de dar len ane hebben . vn(de) wanne her clawes kindere / van bulowe tuͦ eren jaren komen so scholen se it ok up laten . vn(de) wi scholen is deme / greuen waren also langhe dat her clawes kindere mvndich werden . vn(de) se dat guͦt up/ghelaten hebben . Dat jt also holden werde dar hebbe ik henneke mit minen vrenden / her hinrik van bulowe . her bertolt pren . her goschalk pren . clawes van bulowe , / clawes vn(de) otte van Arni(m) . greue(n) hinrike vn(de) sinen mannen hern bolten van drib(er)ghe / her ludeken menkerke(n) . vn(de) her hinrike Rauen hir up mit ener samenden hant vntru/wen louet vn(de) hebben tuͦ ener betughinghe vse inghesegele henghet tho desem / breue . de gheuen is na der bort godes dusent jar drehundert jar jn deme vervnd/twintegste(n) jare an deme daghe sunte fabianes vn(de) sebastianes der mertelere /