Wi Nicolaus van ghodes gnade Junchere van zwerin Duͦn witlich alle den / de dessen iewardeghen bref an sen vnde hoͤren dat vnse voghet [...¹ ]/uert van aderstede , de vnse voghet was , vnde is , vns dede [...]/neschop , vor vnsen bruͦdere greue Guncele , vnde vor vnsen [...] / vnde vor vnsen ratmannen , do he vns rekenet hadde na vnse[s] va=/der dode , do duchte vns , vnde vnsen bruͦdere , vnde vnsen mannen , / vnde vnsen ratmannen , dat he dat tuͦ rubowe vppe boͤret hadde [wen] / he dat vns toͮ rechte af slan scolde des segde he , dat it vnses [vader] / wille were , des moͤghe wi voͮl komen , wo wis toͮ rechte voͮl kome[n] / scolen , mit leuendeghen tughe , vnde mit leuendeghen warent wo / wis toͮ rechte vol komen scolen , dat it vnses vader wille neͥ neͥ was / vnde it eme dicker wen enes vnbot dat , het wedder duͦn scolde , Des / hebbe wi toghen vppe vnsen vedderen greue hinric(k) , vnde vppe twe / vnser man , hir vp dele wi dat recht , her hinric van reuentlowe , / vnde her Jurius pren , Mach des vnse Junchere vol komen also he / sych vor rumet , so schalmet en tuͦ rechte af slan , vnde willet dar / mer toͮ duͦn , dat wi nin rechter [...] weren , Desse bref is ghe screuen / na ghodes bort . dusent iar . drehundert iar . in deme verentwie[nte]=/ghesten iare indeme achteden daghe sunte Johan(n)es [e]wangel[ii] , /