Wi Ratman van zwerin olt vnde nige bekennen openbare an dessem / breue . dat wi mit beradenen mode laten hebben deme abbate vn(de) / deme coue(n)te van Reyneuelde . dat rum vppe der Nigen Stat . Also ut ¹ / be grepen is . mit Schunen vn(de) mit Spikere . vn(de) mit alleme rume also / it broder Ghert begrepen heft . dat dar nu(m)me(n)t vore buwen scal . dat en / hinderlich sy vn(de) dat rum buten der stat . dar de mole vppe steẏt binnen / deme tune bi beyden sit des grauen eweliken tuͦ beholdende na buͦr rech/te also dat se vor alle schot . vn(de) alle plicht . wellek bruͦder in der molen / tuͦ zwerin is . tuͦ sunte Micheles daghe jewelikes jares twelf schillinghe / gheuen scholen den Ratmannen van zwerin sunder toghernisse Tu ene / me thughe deser vorsprokenen ding so hebbe wi vnse Ingeseghel vor dessen / bref gehanghen . De gheuen is na der bort Godes Dusent jar vnde / drehundert jar an deme sesvntwintegesten jare des Midwekenes na Quasi modo² geniti /