Ik johan Kedink . Knape . be kenne vn(de) be tuͦghe openbare in ¹ dessen / breuen . dat ik mit myne(n) . medeloueren de hir be screue(n) stan . mit / myme sone . mit johanne vn(de) echt mit johanne dede heten berkhanen / vnde mit hartwich stoͮren . vntruwen louen mit er sameden hant / vnde mit be radenem moͮde . myne(n) eddelen vn(de) wolborne(n) heren . / hern johan(n)e vnde hen(n)inghe heren van w(er)le . dat ik num(m)er noch / myne noch mynes broͮders erfnamen . scullen saken eder ouer spre/ken genegherwis vppe dat goͦt . tho luchtendorpe vn(de) dat hus als / it licht in siner stede . vppe rannualesdorp . vppe vesekowe . vnde / vp alle dat goͮt degher . dat ik vn(de) myn broder , hen(n)eke beren / af scatteden in syner venghenisse . men dat scal wĕsen degher / myner leue(n) vorsprokene(n) heren vnde erer eruen . dar mede / lat ik vn(de) myne erfnamen vnde mynes broders erfname(n) desse / heren degher vn(de) aldes . los vn(de) quit al der sculde vn(de) aller dinghe / de ik vppe se vorde(r)n koͮnde eder mochte . vn(de) wil dar nu(m)m(er) / noch num(m)er vp saken . dat sulue scal na doͮn mynes broͮder / sone dest he leuendich kome vt syr venghenisse loue(n) dessen / heren bin er mant² vnde holden alit dat hir sproken is . desser dink d(e) / sint tuͦghe . her hinrik van moryn . hern Niclaus hane . her / vicke van Lobek . her herman van cremon . vnde h(er) gernek(e) / costebode ridde(re) . johan van gustrowe . vn(de) wlf van subbesyn / knapen . Dat desse dink al dus tho holden bliue(n) . des is myn / inghesegel . vn(de) myner mede loue(re) ingheseghele . henghet to / dessen breue(n) .Na der bord godes dusent iar . drehundert / iar : jn dem Negenvndetwintegesten iare des vridaghes / vor dem sundaghe als men sinkt Oculj /