In godes namen . amen . Wi Nicolaus van der gnade godes junche(re) vn(de) Greue / thoͮ Zwerin , bekennen oppenbare vn(de) betughen , vn(de) doͮn witlich alle cristenen / lvden , de dessen jeghenwardeghen breif leesen , horen , edder seen , Dat wi / mit beradenen mode , vn(de) mit gantzeme volborde vnser Erven , hebben , / vnseme leven vedde(re)n Greue Hinr(icke) van Zwerin . dor got . vn(de) dor vnser elderen / vn(de) vnser eghenen sele willen , ghelaten . vn(de) latet al den Eghendoͮm over dat / dorp dat de lemcule is gheheten , mit aller vriheẏt also vnse Elde(re)n , vn(de) wi . ith / beseten hebben bette an dessen dach vn(de) ith vns gheervet is , vn(de) also ith binnen / alle siner scheẏde ghelicht vn(de) geleghen heft . mit holte . mit wate(re) . mit weyde , / mit ackere buwet . vn(de) vnghebuwet . mit deniste . mit bede . mit aller vruͦcht / vn(de) nuͦt , ane dat overste richte alleẏne , Dat wi vn(de) vnse erven dat moghen losen / vor also dane penninghe , dar wi dat beschedene richte vnseme vedderen vore / hebben ghesetteth , Dit vorsprokene dorp vn(de) guͦt , schal ok vnse vedde(re) ane jene=/gher hande wedersprake , edder hindernisse , vnser , edder vnser erfnamen , gheleẏg=/ghen thoͮ eẏner vicarie . de he nuͦ an de ere godes maken wil , Thughe desser / Dinghe . sint . her Hinr(ick) Rauen . her Gherard van zulowe riddere , Henneke van / zulowe , Hinr(ick) Rosenhaghen . vn(de) Martin(us) vnse scriver , vnde thoͮ eyner grotteren / orcunde alle desser dinghe vn(de) stedicheyt , so hebbe wi vnse ingheseghel henget / thoͮ desme breue , De is gegheven vn(de) screuen thoͮ Zwerin , na godes bort / Dusent jar . drehundert . an dem en vn druẏttegesten jare . in deme heyli[ghen] [...] ¹ /