Wi her georrius pren en ridder vn(de) henneke pren vn(de) goschal ¹ pre(n) be kennet des in desser scrift . Dat vse edele here greue hinrick van zverin . h[eft] / ene gansze sone ghe deghedinghet twschen vs vnde vsen erfnamen vnde vroͮnden af en sit . vnde albern bonsak vnde hartewich ramekendorp vnde eren / erfnamen vnde vroͮnden af ander sit . vm de schelinghe de wi mit en hadden vm de neghen houe vnde eẏn verdendel de wi ver koft hebben alber[n] / bonsak vnde hartwich ramekendorpe vnde eren erftnamen de lighet to camptze also hir na screuen steẏt . Dat sze vnde er erfnamen de neghen houe vnd[e] / eẏn verdendel vmbe woren be holden vnde hebben scolen . mit holte mit wate(re) . mit weẏde mit aller nut vnde vroͮcht mit richte mit rechte to man / also wi her georrius vn(de) ioh(an) vnde goschalk vn(de) vs erfnamen hebben ghe hat . Ok schole wi . her georrius vn(de) ioh(an) vn(de) goschalk vn(de) vse erfnamen / vn(de) vroͮnt se van sculden vn(de) van broke nemen . van vseme . Edelen heren greuen hinrike vn(de) iuncheren clawsse se en to vroͮnde maken . vm dat rameken[dorp] / vn(de) gert bonsak . vs vnde vse vroͮnt her georrius in erme lande venghen vnde se vt erme lande vorden . twschen hir vnde paschen Ok vm [dat] / wi her georrius vnde ioh(an) vnde goschalk vt erme gode nemen vnde nemen leten to vnrechte . Dar schole wi en vmme don twschen [hir] / vnde mit vasten . Dat her nigenk(er)ken vs het don vppe desse ding de hir vore screuen stat hebbe wi louet vnde louen mit [vsen] / vroͮ(n)den . wi her georrius pren . vnde conrat vnde ioh(an) sine sone . vnde ioh(an) pren vn(de) goschalk pren sines broder sone . her merten pre[n] / eẏn ridder iohannes storm . vnde iohan pren de bochholtte vnde georrius pren sin broder vnde merten pren van stenvelde vn[de] / henneke sin broder . vn troͮwen albern bonsak vnde hartwich ramekendorpe vnde gert bonsake vnde ludeke barvotte vnde eren / erfnamen vnde vroͮnden . vor ene ganze sone . Des sint vse ingheseghele to desseme breue ghehenghet . Desse bref is ghe[ge]/uen na godes bort dusentiar drehundertiar in deme ennendruttichteniare . Des mitwekens na lichmissen