[lateinischer Text]
Wẏ Hinrik van der gnade goͦdes Greue tuͦ zweri(n) bekennen vn(de) bethuͦghen / ape(n)bare in desser scrift Dat wẏ vnzeme truͦwen Hinr(i)k Sweghowen knapen sint schuͦldich van rechter schuͦld / van zẏner weghene Hern borchard luͦtzowen . Verhuͦ(n)dert mark lub(escher) pe(n)nynghe Dar hebbe wẏ eme vn(de) zẏnen / rechten eruen . Voͮreghezat tuͦ weddescatte . Vertich mark gheldes lub(escher) pe(n)nẏnghe in vnzeme dorpe tuͦ Pam=/powe an vyfteẏn hoͦuen de de luͦde buͦwen de hir na screuen stan . Albert Iohannes ene hoͦue . Sagher ene / halue hoͮue . hermen phẏen ene halue hoͮue . Vicke dre verden dil . Sẏmon dre verdendil Hinr(ik) Enghelb(rech)/tes ene hoͮue . boͮchoͮrst ander halue hoͮue . Merten ander halue hoͮue . Lemmeke en verdendil . Ghert bẏ / deme poͮle en verdendil . Iohan Kersiens ene halue hoͮue . Wolter ene halue hoͮue . Egbrech en verdendil / barnekowe vn(de) Heneke ene halue hoͮue . Detmer en verdendil . Hermen tzart ene halue hoͮue . He(n)neke Sẏ/mens ene hoͮue . Hermen holste ene halue hoͮue . Weghener en verdendil . Hinrik buͦwman en verdendil / Thideke Croͮgher ene halue hoͮue . Iohan mildecroͮgher ene hoͮue . Hermen gheroldes ene huͦue Vn(de) an seste / haluer mark lub(scher) pe(n)nẏngh an bede van den huͦuen vp tuͦborende de desse lude buͦwen de hir na voͮlghen / Ver vnde twẏntich Schillynghe luͦbesch van ander haluer hoͮue de se buͦwet . vicke vn(de) Sẏmon . Ene mark / luͦbesch van ener huͦue dese buͦwet Hinr(ik) Enghelbrechtes . Ver vn(de) twẏnt(ic)he schillẏnghe luͦbesch van / ander haluer hoͮue dese buwet bochorst Ver vn(de) twyntich schillẏnghe luͦbesch van ander haluer hoͮue / dese buͦwet Merten . vn(de) an den koͮten de de luͦde bezytten de hir na voͮlghen van . lemmeken twe schil/lynghe luͦbesch . Van gherde bẏ deme poͮle ver schillẏnghe luͦbesch . Clawis ver schillẏnghe luͦbesch / Peltzer ver schillẏnghe luͦbesch . Schortebuͦdel ver Schillẏnghe luͦbesch . Ghert Koͮler ver Schillynghe / luͦbesch . Wẏnkelman ver schillẏnghe luͦbesch . Hinrik h(er)mens ver Schillẏnghe luͦbesch Thideke Croͮ=/gher druͦtteẏn schillẏnghe vn(de) ver pe(n)nynghe luͦbesch . Iacob suͦlowe verteẏn hoͮure . Tzart verteẏn / hoͮure Desse voͮrsprokene vertẏch mark gheldes luͦbesch an dessen hoͮuen vn(de) an desser bede vnde / an de koͮten scal he vn(de) zẏne rechten eruen also langhe tuͦ manrechte bezẏtten suͦnder aller han/de hindernisse . Wanne wẏ eder vnse rechten eruen eme edder zẏnen rechte eruen gheuen de vor scre=/uenen verhuͦndert mark luͦbesch . wanne wẏ eme gheuen huͦndert mark so scoͮlen vns teẏn mark / gheldes loͮs wesen . Vn(de) wanne wẏ dat gheld van eme loͮzet . Dat verdendil . de helfte eder ganz / altuͮ male so scoͮle wẏ de pacht uͦv deme ghuͦde vẏnden . Vn(de) des holtes tuͦ Pampowe scal he / bruͦken tuͦ sẏner noͮttroͮft vn(de) anders nẏcht Tuͦ eẏner bethuͦghẏnghe desser dẏnck so hebbe / wẏ dessen bref dar vp ghegheuen bezeghelet mẏt vnzeme ẏnghezeghele Thuͦghe desser dẏnck / sint Her borchard vn(de) her antonius heten van dambeke . Her hinrik vn(de) her Clawes heten / Rauen . her hartwich pren . her Godscalk pren Rydd(er)e Her Iohan van zwan vnze vicarius / tuͦ zwer(in) vn(de) hinrik Roͮsenhaghen vnse Voͮghet tuͦ zwer(in) Desse bref is ghe gheuen tuͦ zwer(in) / Na goͮdes boͮrt Duzent iar Drehuͦndert iar in deme ses vnde druͦtteghesten iare in vnzer Vroͮwen / daghe also se wart gheboͮren Vnde [Ego ludolphus de bluch(er)e ... lateinischer Text]