Wẏ nicolaus van der gnade godes greue to zwer(in) bekenne(n) opembare in desme breue / dat wẏ laten marquardo clawen vnseme leuen borchmanne to c(ri)wytze vnd sinen rech/ten erfnamen twe marck gheldes lubescher ¹ pennyͦnge in vnser bede to peters=/berghe , vander houe de nu h(er)man scroders buwyͦt . alle jar vptoborende . also lange / wente wẏ edder vse erfname(n) em hebben wedder gheuen twyntyͦch marck lubesch(er) / pennẏnge were ouer dat de vorbenomede houe vns aue drunge worde mit rech/te so scole wẏ edd(er) vnse erfname(n) deme vorbenomeden clawen , vnd sinen erfname(n) / wẏsen in andere besette houe also goot . dar se twe mark geldes lubesch(er) pen(n)ẏnge / alle jar vmbe woren moghen vs vpberen . To ener betuͦghinge desser dẏnc is vse / ingheseghel ghehenget vor dessen bref . de ghescreuen is in deme jare vnses here(n) / dusent . drehundert . in deme vif vndvertighesten jare . des vrigdaghes na deme / hilghen lychemesdaghe /