Wẏ Nicolaus vand(er) gnade godes greue to zwerin bekennet / in desme ope(n) breue , dat wi laten deme houeschen knapen / ameluͦnghe va(n) driberghe vn(de) sinen rechten . erfnamen , ver / marc gheldes ver schillinghe min lubek(er) pen(n)i(n)ghe , an drud=/dehaluer houe to bruͦzenisse , i(n) deme lande to tzelesen , in sime / ghuͦde , in vnser bede , vor vertich marc lubek(er) pe(n)ni(n)ghe twig(er) / marke min , vmbeworen vptoborende alle jar bet also lan=/ghe , Dat wi edd(er) vnse erue(n) , deme vorbenemeden ameluͦnghe / vn(de) sinen erfnamen , twe marke min , wen vertich lubek(er) pen(n)i(n)ge / betalet hebben vn(de) wedd(er) gheue(n) , degher vn(de) al , ane jenegher / leẏghe arghelist , Hir heft ouer wesen Her johan haluer/stat , arnold va(n)d(er) molen , H(er)ma(n) stolnisse , To ener groteren / betughinghe hangh(et) vnse Inghezeghel vor desse(n) bref de sc(re)ue(n) / vn(de) gheue(n) is na godes bord drutteẏnhund(er)t jar , i(n) deme soue(n) / vn(de) vertighisten . jare des sonaue(n)des na su(n)te marc(i) daghe /