Ich her ghert en sangmest(er) der kerken tuͦ zwer(in) , mathias knape en Borchman des huses tuͦ zwrin ¹ / Brodere gheheyten Rauen vnd(e) vse reche² eruen bekennen openbar in deseme jeghenwardigh(en) / bryue , Den dynst den vse lyue here Greue Otte van zwerin hadde vpe drudehalue / houe in deme dorpe tuͦ lankow(e) den wy wor koft hebben , den suluen dynst den / wilkore wy met beraden mude vnd(e) met guden willen vp al vse guͦt vor wy / dat hebben vnder vseme lẏuen heren greuen Otten wan zwerin In ener goter(en)³ / betughingh(e) so hebbe wy vse Ingseghel ghe hanghen an desen bryf , dy ghe/screuen is tuͦ zwerin na godes bort dusent jar dryhundert jar in deme / virvndewefticsten jare des irsten sondaghes in der wasten . . /