premisso sauore [...] wi claghen iv swarliken . als wi eer ghedaen hebben . / dat vse man vnd . vse borghere . gheuanghen sint vnd swarliken gheholden wer=/den in vses omes lande herthog(e) barnẏmis des iuͦngheren . vnd van sinen man/nen . des hadde wi iu ghe eschet daer vmb tho daghen . alse vse breue spreken . / de vse om vnd wi vnderlangh ghegheuen hebben . daer vser en dem anderen / an ghe louet vnd ghesworen heft . vnd hadden ok daer tho ghe eschet andere / luͦde de in den suͦluen breuen , daer to bescheden sint . des quemen gi vnd alle / [...] van vses omes weghene daer komen scholden nicht . . vnd de vse quemen / [...]er vnd nemen des daghes ware .. nv ¹ bidde wi iu . dat gi vsen vorbenomede(n) / om vnd sine brodere daer an berichten . dat se vs doen so vele als se vs plich/tich sint . na den vorbenomeden breue(n) . tho deme daghe daer nv vp ghe grepen / is . alse morghen ouer achte daghen , to ribbenitze . daer wi auer de vse to senden / willen . vnd bidden vnd eschen iu dat gi daer mede id senden als de vorbenomede(n) / breue luden . vnd wetet dat vs ghesecht is . dat vse om vnd sine man sik / daer na richten . dat se mid vs arghen vnd orloghen willen . des wi doch / nicht ghelouen . went wi vs ieghen se in nenerleie saken plichtich² schuͦldich / weten . men dat wi en al vt doen willen . als vse breue spreken . . vnd bidden³ / bidden . dat gi de van baard . vnd de van tribeses daer an berichten . dat se vs holden / de huͦldinghe . de se vs ghedaen hebben . de se vs ghesworen vnd vorbreuet hebben vnd dat se sik an vs holden⁴ . / went . so langhe . dat vs lyk ghescheen is . als de vorbenomeden breue spreken .. / vnd weret dat wi vsen man(n)en . de weder gheuanghen hadden borghere van anklem / gheboden hebben . dat se se ledich laten scalen . went wi io nene schult hebben / willen . ieghen vsen om vnd sine Brodere . vnd ieghen de ere(n) gheue(n) to zwer(in) / des nẏien iares daghe . vnder vseme secr(ete) /