Wy hertoge albert to mekelenborgh greue to sweryn to Stargarde vn(de) to rostok here bekennen / vn(de) betuge(n) openbare in desser scrift dat vor vns ghe wesen hebben vnse truwen man / alse werneke noudyn hermen luͦchowe(n) vn(de) heyne Adam knapen vn(de) hebben vor laten / vn(de) wi laten in erme beseghelden breue myt dren Inghesegelen hanghede in sydenen / toppen myt vnser vulbord deme erlyken manne her hinryk van Stralendorpe ryddere / twe grote huven vn(de) ene halue hoven in deme dorpe to zouenstorpe myt deme hove / de dar licht in dat westen myt alle eren to behorynghen vn(de) ok myt deme sy / desten vn(de) mynesten rechte vn(de) dachdeneste ouer dat ganse dorp to zouenstorpe / alse ere breve spreken de se dar vp ghe gheuen hebben vppe den vorben(omed)en hof / vn(de) hoven myt alleme mynesten rechte vn(de) denste des gansen dorpes dat wy / vor vns vn(de) vnse eruen mede stedeget hebben vn(de) stedegen in desseme breue / alse id desse dre vorben(omeden) vorlaten hebben an e(re)me breue to ener bekantnysse / desser vorscreuenen stucke vn(de) dynk hebbe wy vnse ingesegel henget laten an / dessen bref de to Swer(yn) geuen vn(de) screuen is na godes bord drutteynhvndert iar / in deme envn(de)sostegesten¹ jare des anderen daghes na svnte peter vn(de) pawelsdage (it cetera) /