Wi alberd (it cetera) . Bekenne(n) openbare vn(de) Bethughen Jn desme Jegenwardeghen Breue / mid vnsen erfnam(en) dat wi hebben laten vn(de) laten in desser scrift gherolde vn(de) / helmolde rampen ¹ vnse(n) leue(n) Borghe(re)n tuo zwerin wes tuͦ vsem am(m)ethe licht tuͦ zwe/rin in den dorpe(n) tuͦ mirow vn(de) plote ² . mid aller nuͦt vn(de) Rechteheẏt alz dartuͦ licht / vn(de) tuͦ v(n)seme am(m)ethe hort . alzo langhe went se vn(de) ere rechten ³ erfname(n) vt den suluen / dorpen vpgheboret hebben twe hundert mark lubisch de en greue otte vse leue / om⁴ oem sculdich was . alze se id vns Bewisede(n) reddeliken mid sinen Breuen . ok / scolen se vs rekenen vn(de) [afeh ?] ⁵ afsclan alle iar wes se vpboren vt de[me] vorbenomede(n) / dorpen . vn(de) scolen vns dar vp gheuen ere quitebreue vn(de) wen se vpgheboret hebbe(n) / de vornomede(n) sum(m)en vt den dorpen . so scal des g(re)uen bref mid dessem breue ⁶ den / se hebben vppe desse scult . mid dessen Breue(n) quick⁷ quit vn(de) los Stede vn(de) vast tuo / holde(n)de desse vorscreue(n) stucke so is vnse g(ro)te Ingesegel ghehenghet vor dessen / Bref . De gheue(n) is tuͦ zwerin na godes bort ⁸ druttien hundert Jar Jn dem en vn(de) sostigeste(n) / iare . des sundages vor sunte Joh(annes) daghe Bap(tis)ten Tughe sint her hinr(ic) strale(n)/dorp Joh(annes) Cropelien vnse konsele(re) Jo(hannes) bercheheyl . hinr(ic) teyma(n) arnold Rogin / h(er)men strale(n)dorp Ratman(n)e tuͦ zwerin /