Wi Alberd van der gnade godes hertoghe (it cetera) tuͦ mekelenborch greue tuͦ zwerin tuͦ Star/gard vn(de) tuͦ Rozt(ok) here Bekennen openbare . vn(de) Bethugen an desme Jegenwardegen / breue Dat de Erbar here g(re)ue otte . van swerin sculdich was . van Rechter scult / gherolde vn(de) helmolde Rampen ¹ . vnsen leue(n) borge(re)n tuͦ zwerin vn(de) eren rechten / erfname(n) verteyen hundert² mark lubischer pe(n)nighe . De su(m)men desser penni(n)ghe / hebbe wi . mid vvlbort vser eruen . vn(de) na rade vser ratgeue(n) En ghewiset . vptubore(n)de / in vorworde vn(de) besteẏdinghe . alsz hir na screue(n) steit van Jar tuͦ Jare vt dem gude / vn(de) vt den dorpen . de hir na benomet stat Alz vt dem aluanghe tuͦ Muͦcze . vt witten/uorde³ . vilchze lubessze . gu(m)menhag(en)⁴ . stadendorpe . Mucze . dat dorp sulstorp lancow wer=/nitze . lutteken medewede . g(ro)ten stuke . vn(de) wosten marke .⁵ dat bider stepenicz licht / Dessen vorbenomede(n) aleuanch vn(de) dorpe hebbe wi en laten mid vsen erfnam(en) . En vn(de) ere(n) / rechte(n) erfname(n) Brukliken tuͦ em Rechten pande alz mid aller Bede de wi alle Jar / des Jares vt den lande(n) bidden alzo lange went , se . dar vt hebben gheboret vertienhundert / mark alz vorscreue(n) is vn(de) wes se vn(de) ere erfnam(en) . dar van vpboren . Jewelikes Jares . dar / scolen se vs . afgheuen dehelfte . vnt went vns is gheworden seuen hundert mark vn(de) / en seuen hundert mark lubisz so scal . de aluanc vn(de) de vorscreue(n) dorpe . tuͦ vs vn(de) / tuͦ vnsen erue(n) vri vn(de) los wedd(er) komen . Vn(de) wat breue . se vp de vorbenomede(n) aleuanc / vn(de) dorpe hebben de scolen dar na middessen Breue(n) quit vn(de) los wesen vn(de) de suluen / Breue scolen dessen nicht scaden noch desse ⁶ dese hebbe(n) van dem g(re)uen tuͦ zwerin noch / desse ghenen vp dat vorscreue(n) guͦd alsolanghe went wi vn(de) se de vorscreue(n) su(m)men / hebben vpgheboret inderwis alz vor screue(n) is Vn(de) de Bede vt dessen dorpen moghen / se panden went idt⁷ is en not is sunder Broke . Vn(de) scal⁸ dar scol wi en tuͦ helpen mid / vnsen knechten . Wen se dat van vns eschen . ok scolen se vns reddeliken rekenen vn(de) / af sclan alle Jar wes se vt dem aluanghe vn(de) dorpen vpboren . van der uorbenome/den su(m)men . Vn(de) wes se vpbore(n) tuͦ erme dele Jewelikes Jares dar scolen se vs ere qui/te breue vp gheuen vmb dat alwere . wes dat des jares tuͦ lone kostet . dat scolen / se van dem alleua(n)ghe . tuͦ voren betalen wes dat de(n)ne ouer is dat scolen se mid vo(r) / likentweẏ delen . Stede vn(de) vast tuͦ holde(n)de desse vorscreue(n) stucke so hebbe wi vnse / g(ro)te Ingesegel heng(et) laten vor dessen Bref De gheue(n) vn(de) screue(n) is tuͦ zwerin na godes / Bort [drut]tienhundert Jar Jn dem en vn(de) sostigesten jare des sundages vor sunte Joh(ann)is / daghe Bap(tis)ten . Tughe desser ding sint her hin(rik) Strale(n)dorp Ridd(ere) Joh(ann)es Cropelin vnse / kansele(re) Johan Berchteheẏl . hinr(ik) Beyleman arnt Rogan vn(de) her Strale(n)dorp Rat/ma(n)ne tuͦ zwerin (it cetera)