[lateinischer Text] Wi alberd (it cetera) bekenne vn(de) bethugen opebare in dessem briue , dat vor vns heft ghe / wesen . He(n)nigh parketin Cla(wes) parkentines sone dem god gnedich si vn(de) heft bekant / dat he mid rade vn(de) mid wlbort siner moder vn(de) ok vor ghischlen de sines moder / vedderen . Hinrikes huswicow ? wesen hadde . vn(de) na rade siner negesten vrunt heft / den hoͥf dese licht tu dem . thomashage(n) bẏ . herme(n) stormes houe . mid alle siner tubeho=/ringhe alz . he in siner stede licht also alz en sine olderen em gheeruet hebbe(n) vn(de) alz / he sin is . ghesat vn(de) ghelaten . tuͦ eme rechten weddescatte . vnsem leue(n) truwen / ma(n)ne . hinrik kulebusche vn(de) sinen rechte(n) eruen vor fotehalf hundert mark / lubiscer suluer pe(n)ighe . de he em rede vntwaren ? heft . Des heft de sulue he(n)=/ni(n)gh vorben(omed) . vs dat len des vorben(omeden) houes vn(de) al sine tubehoringhe alz vorscreue(n) is / vorlaten hinrik kulebuscen . vorben(omed) vn(de) sine(n) eruen . vn(de) heft em vort ghelouet mid si/nen vrunden . Wan sine brod(ere) vn(de) ok sine vedderen . hinrich parkentines kindere tuͦ / eren Jaren kamen . vn(de) mu(n)dich werden . so scolen se vor vs edder vor vse eruen dem / vorben(omeden) kulebusce(n) edder sine(n) eruen . dat leen des vor(e)screue(n) houes na vorlaten vn(de) / scole(n) em dat na vorbreue(n) . oft id kulebusc(e) edder sine erue(n) van en eschen vortmer(e) / wan heni(n)gh parkentin edder sine brode(re) edder sine vedde(re)n edder ere erue(n) vorben(omed) de / vorben(omede) voftehalfhundert mark in ener su(m)men vorbe(nomed) ? vor ? vser vrowen dagh alz se / gheboren ward . Kulebus(c) edder sinen erue(n) . weddergheue(n) ift se den vorben(omeden) hof losen // willen so scal kuͦlebusche edder sine eruen . dem vorben(omeden) parkentinen . edder eren / eruen . den vorben(omeden) hof wedder antwurden ledich vn(de) los tuͦ sunte peters daghen / de dar na aldernegest kumpt . vorbuet ok de ? kulebucze ? edder sine eruen dar / wes an schftes ? in dem vorben(omeden) houe . de wile he ere pand is . dat scole(n) de vorben(omeden) / van parkentin na seggende . erer twier vruien ? . vn(de) na seggede kulebuscen binne / twier wedder gheue(n) mid der vorben(omeden) su(m)men . tuͦsame(n)de kulebuscen vn(de) sinen / eruen . vorbrande ok de hof . dat god vorbede . de wile he kulebuscen pand is / dar scal kulebusce edder sine erue(n) nene scult ane hebben . Vn(de) alz de vorben(omede) / He(n)nigh ¹ parkentin . vn(de) sine vrunt , vs ghebede(n) hebbe(n) . so wlborde we vor vs vn(de) vor / vse erue(n) alle desse vorscreue(n) stucke . vn(de) freg ? . stedege(n) se an dessem breue / vn(de) hebbe(n) den vorben(omeden) hof mid siner tubehoringhe . alz vorscreue(n) is ghelege(n) / vn(de) he(re)n en hinrik kulebuscz vn(de) sinen erue(n) . tuͦ erme rechte(n) weddescatte In / dessem breue vn(de) hebbe(n) tuͦ thughe . Desser dinch vse Ingesegel hir vor / henget . gheue(n) tuͦ zwer(in) na godes bord drutteyhundert iar indeme sostiges/ten Jare . in suͦnte mauricies daghe . vn(de) siner selscop . der hilge(n) mertel(ere) / Thuge desser dinch sint cla(wes) van der lue . ridder reymer van plesse hinr(ik) / van bulow(en) . vn(de) ander vele bedderue lude , de truwe werdich sint /