Wy alberd (it cetera) Bekenne(n) Vn(de) don Witlik allen luden , dat her raue(n) barnekow / ridder vse leue truwe heft vor vns vn(de) vor vnnsem rade . Wesen vn(d) heft ghela/ten vn(de) vorlaten der erbare(n) vrowen , vor alleyde de sines broders Wif was hinr(ik) / Barnekow dem got gnedich sẏ vertich mark geldes lubiscer pen(n)i(n)ghe tuͦ erme rech/ten lifchedinghe de se alle jar scal vp , neme(n) vt dessen dorpen tuͦ Sclucow vn(de) / Dargebende . in dem lande tuͦ gnogen . alle Jarlikes van der ersten bede de dar / valt tuͦ sünte michelis daghe . edder wan se valt in dem jare . Vn(de) neme(n) se dar an / beweren scal edder wes vpboren vt der bede . se enhebbe de wertich mark tuͦ voren / vpgheboret alse vorscreuen is . Vn(de) desse vorben(omeden) vertich m(a)r(k) geldes alz wi se her / rauen barnekow ghesacht hadde(n) . Vn(de) he se van vs hadde . also hebbe wi se . vmb / siner bede willen mid vbort vser eruen vn(de) na rade vser ratgheue(n) . der erbaren . / vrowen . ver alleẏde . vorgenomed ghelegen . tuͦ erme rechten lifchedinghe . Dat / alle desse vorscreue(n) stucke . stede vn(de) vast scolen bliue(n) . so hebbe wi vnse In=/gesegel henget late(n) vor dessen bref . de gheue is tuͦ zwerin in sunte scolastice(n) daghe . na godes bort druttienhundert iar In dem twe vn(de) sostigesten iare . thu/ge desser dinch sint her otte van demece . hinrik strale(n)dorp . vicke malteke . otte / van helpte ridde(re) vn(de) ande(re) vele (it cetera) /