Wy albert (it cetera) Bekenne(n) vn(de) Bethuͦgen openbar in dessem Breue . dat wy vn(de) / vse erue(n) . Boue(n) alle scult dar wy vsem leuen truwen hinrike van bulowe knape(n) / vorghesat hebben . stat vn(de) voghedie tu greuesmolen Sculdich sint den vorben(omeden) hin/reke .. vn(de) sinen erue(n) van rechter scult weghene . de he vs gherekenet heft vn(de) de / wi annamet hebbe(n) . neghedehalf hundert mark verdehalue mark vn(de) dre schil/linge lubiscer suluer pen(n)ighe . Hir mede wyse wi dem vorben(omeden) Hinrike vn(de) sine[n] / erue(n) an dat vorben(omede) pant tu gnewesmolen . also dat se dat sulue pand alz de / stad vn(de) de voghedie mid al den vndersceyden dar id en alrede mede tuͦ pan/de steẏt Brukelliken Besitten scole(n) went so lange dat wi . en de sum(m)en dar en / gnewesmolen stad vn(de) lant . alrede vore steẏt na der Breue lude . de wi en dar / vpghegheue(n) hebbe(n) . vn(de) desse vorscreue(n) sum(m)e alz neghedehalfhundert mark / verdehalue mark vn(de) dre schillinghe . in ener sum(m)en bered hebben in aller / wise . alz wi . en dat alrede . vp de ersten sum(m)en vorbreuet hebben Vn(de) . des/se bref scal den ersten breuen . noch de , dessme , nenerleẏe ¹ wisz hinderen hyr² / edder scade(n) . men beyde de breue vn(de) ok desse . scolen by gantzer macht Bliue(n) / tu tughe desser dingh hebbe wi vnse hemelike grote³ . yngesegel henget laten vordes/sen bref de gheue(n) is tu zwerin na godes bord druthgenhundert Jar in in dem / twe vn(de) sostigesten iare . des sundages went me singt Reminisce(re) Tuge sint / vnse leue(n) truwen mathias Raue(n) ridder reymer van plesse knapen vn(de) vele an/der lude de truwe werdich sint /