Wẏ alberd (it cetera) bekennen vn(de) bethugen openbare . in dessem breue . dat wi vnde / . vse eruen hebben ghelten vn(de) laten . in dessem breue . vsem leue(n) truwen Bertolde / moltzane ¹ vn(de) Hinrik sinem brodere vn(de) eren erue(n) . den hof vn(de) gantze / dorp tu der metzen² . als se in erer schede lighen . beyde mid dem hogeste(n) / vn(de) mid dem sẏdesten vn(de) mid pacht vn(de) nuͦd bede . gentzliken mid aller / siner tuͦbehoringhe . dar wi vs vn(de) vsen erue(n) . degher dar nicht anebehol/den . sunder den utzedenest ? . vn(de) wi vn(de) vse erue(n) scolen vn(de) willen . dessen / vorben(omeden) bertolde . vn(de) hinrik vn(de) eren erue(n) dessen vorben(omeden) hof vn(de) dopp mid / erer tuͦbehoringe . vntfrien alz en lant recht is van alzweme . de vorrecht / kame(n) wil . vn(de) recht neme(n) vn(de) geue(n) wil . sunder allene van den van / karlowe³ . hebben de wes dar me . dat se reddeliken bewisen moghen . dat / scolen se beholden . Went solanghe . dat id de uorben(omede) moltzane . mid nu(n)nen ? / van en bringen Tu tughe desser dinch hebbe wi vnse ingesegel he(n)(et) / indessen bref . de gheue(n) vn(de) screue(n) is tuͦ zwer(in) Na godes bort druttienh(undert) / iar In dem twe vn(de) sostigesten Jare des midweken na sunte aghaten / daghe . hir heft ouer wesen vnse leue(n) truwen otte van Dewitze ridder vic=/ko van bulow reymer van plesse(n) Hinr(ik) van bulow(e) vn(de) vele ande(re) gude / lude de truwe werdich sint /