Ik henneke hardenacke bekenne openbar vnd betuge in dessem briue wente die hochgeborne / vorste her Albrecht hertoge tu meklenb(or)g mi liue gnedige here nu van gnaden gegeue heft / sin hulde vnd ene stede gantze sone . vm(m)e allen broke vnd schelinge de hie iegen mi hadde / so hebbe ik em gelouet vnd loue in dessem briue dat ik sin siner erue hertoge Johans / sines bruder m(i)ns here vnd siner erue vme nener leie scult oder sake vnd bi name / nenerleie wis vnd numer viant wesen scal oder w(er)den vnd eren landen manne vnde / vnder saten numer hinde(re)n oder schaden Ja en schege van mi(n)s rechten here wegen dar ik / husseten vnder we(ren) oder worde dem ik van ere wege muͦste behulpe wesen oft scelinge tus/chen mine heren van meklenb(or)g vorbenomed vnd deme sik[uluͦm ?] Vortm(er) [nu] / hebbe ik gelouet als vor vnd loue . oft scelinge vnd twidracht tuschen den die met mine here / vorb(enomede) in vintscap sitten vnd mi worde oder were dat ik em ouer die [liken] vnd rechten [mik ...] / hore scal vnd wil die wile ik sin man bin dest hie mi des iegen sie behelpe mach vnd wil binne vir / weken dar na wan ik ene dar vm(m)e bidde vnd esche We(re) ouer dat hie mi binne den vir weke(n) liker vor vngelike oder rechtes ouer sie dar ik sie vm(m)e sculdige die in vintscap met em sitte / nicht behelpen muͦchte oder wolde . oft ik mi denne wes sulue behelpe muͦchte . vt enes an/dern heren lande . dar scal ik vnd mine medeloue(re) vme ane allen broke vnd not iegen em / vme Eid ? gelouede vnd dessen briff ewichlike wesen vnd bliue . dat loue met mi mine liue / vru(n)t Her kersten Besel ridder Chietze . van zernẏn heningh prien vnd [yan id(e) ?] Clawe / knechte den vorb(enomeden) mine(n) liue(n) here hern Albrechte vnd Johanne sine brude(re) hertoge An me / klenb(or)g vnd ere rechte(n) erue(n) stede vnd vast tu holdende met vestinge desses briues besegelt / met vnsen ingsegln Geue tu zwer(in) na godes bort druttein hund(er)t iar in dem vif vnd / sestigstem iare in sunte mathias dage des hilige(n) apostel /