Wy Albrecht van godes gnaden h(er)toghe to mekelemborch Greue to zwer(in) . to Stargarde vnd to / rozstok here . bekenne(n) vnd bethuge(n) openbare in dessem breue . Dat wy vnd vse erue(n) van rechter / schult weghen schuldich sin vsen leue(n) vicken hasenkop vnd henneke warschowe knape vnd / ere(n) erue(n) . drehundert lubes(che) mark hir vor heb wy en mit vulbort vser erue(n) . vnd na / rade vser truwen raet gheue ghesat vnd ghelate vnd sette vnd late en mit dessem breue to / ene(n) rechte(n) brukelike pande de bede vnd dat hogheste richte ouer desse twe dorp . duͦmmer / vnd molenbeke de beleghen sin in vsem lande to wittenborch also als de binne al ere schede / ligghen also dat de vorben(omeden) vicke vnd henneke vnd ere erue . de vorben(omede) bede vnd hogheste / richte der vorben(omeden) dorpe brukelike hebbe(n) vnd besitten scolen . Went so langhe dat wy oder / vse erue(n) . en eder ere(n) erue bereden vnd ghelden to ener tid de vorben(omeden) drehuͦndert mark , / vnd wan wy eder vse erue(n) de beredinge daen hebben so scal dit vorben(omede) pant vs / wedder ledich vnd los wesen vnd wan en des noet is . so moghen se de vorbenomede(n) bede . vt . vordern vnd vtpanden / ane worwẏt . vnd ane broke . ¹ To tughe desser dink is vse inghes(eghele) henght an dessen / bref De gheue is na godes bort drutteͥynhundert jar in dem veer vnd seuen=/tichstem Jare des ersten daghes in der vasten de assche dach het . /