Ik nikkel van gherstorpe vnd hinrik van gherstorpe vnd hinrik duͦuen / heym knape(n) bekennen vnd betuͦghen ope(n)bar in dessen brẏue dat vs / vnde al vsen ghe zellen dar wẏ em mede ghe dynet hebbe(n) de dorluf/teghe(n) vorsten vse here(n) hertoghe Albrecht(e) to meklenborch vnde / hertoghe hinr(ik) zyn sone hebbe(n) betalet vnd beret Al vze czolt / vnd al vse teringhe vnd al vsen schaden des he vs plichtech were(n) / van vses dynstes weghe(n) ane twe huͦndert schok krossen vnd eyn / schok de blyue(n) ze vs noch schuldich vnd . veer harnsch vnd . Elve / mallẏen harnsch wilme vs des nicht loue(n) zo wille wy dat mit / vseme rechte beholden vnd . loue(n) em vnde eren erue(n) al desse vor/gheschreue(n) dynk stede vnde vast to holdene zunder hinder vnde / hebbe(n) to tuͦghe al desser vorschreue(n) dynk . vser dryer inghezeghe/le henghe(n) late(n) an dessen bryf De ghe schreue(n) vnd ghe gheue(n) is to / zwer(in) na godes Bort drutteynhundert in deme zos vnde soue(n)/tegheste(n) iare des dunredaghes vor suͦnte merte(n)s daghe /