Ik Caspar van Tarant vnd hans van bisghoppes werden vnd / peter van stenitz Bekenne(n) vnd betughe(n) ope(n)bar in dessen bryue / dat vs vse lyue(n) gnedeghen here(n) hertoghe Albrecht to meklen/borch vnd hertoghe hinrik zin sone hebbe(n) betalt vnd bereẏt / vsen tzolt vnde vse teringhe des ze vs plichtech weren van / vses dẏnstes weghen vnd laten em der leddich vnd los vnd / Ik Nikkel van gherstorpen vnd hinrik van gherstorpe vnd / heynrik van duͦue(n)heym loue(n) myt dessen vorgheschreue(n) luden . / al desse vorgheschreue(n) dynk stede vnd vast to holdene vsen / vorghescheue(ne) ¹ here(n) hertoghe Albrechte vnd hertoghe hinrike / vnd ere(n) erue(n) , des to tughe hebbe wy vse inghezeghele hen / henghe(n) late(n) an dessen bryf de ghe schreue(n) vnd gheue(n) is to / zwer(in) na godes Bort drutteynhundert iar in deme sos vnd / zoue(n)tegheste(n) iare des duͦnredaghes vor zu(n)te m(er)rtens daghe /