Wy Melchior van godes gnaden vnd des Stuͦles to Rome Bisscop to zwerin Bekenne(n) vnd Betuͦgen openbar in dessem breue vor allen de ene seen vnd horen lesen dat wẏ vs ghentzliken berichtet gesuͦnet vnd vruͦntliken verenet hebb(e)n mit den / dorluchtige(n) vorsten vnd heren hern Albrechte hertoge(n) to Mekelenborch hinr(ik) vnd Magnuse sinen Sonen vnd ere(n) erue(n) vnd mit alden de en in dessen saken tolecht hebb(e)n bette an dessen iege(n)wardigen dagh vnd mit al den den dit van erer we/ghen anruͦret edder an ruͦren magh in dusdaner wis alse hir nascreue(n) steyt also dat alle schelinghen deghewesen sint vnd sik verlopen hebb(e)n tuschen den erghena(n)ten vorsten vnd here(n) van mekele(n)borch vnsen leuen ømen vnd den eren / vnd vs vorghena(n)ten Bisscop Melchior van zwer(in) vnd den vsen van wegene des stichtes to zwer(in) daͥt si an laduͦnghen maninghen Bannebreuen processus van den pawese vnd sinen exsecutore(n) edder aldus welkerleye breue in den sa=/ken vͦtghegeue(n) ghegeue(n) edder gheluͦtbaret sint bet vͦp dessen iege(n)wardige(n) dagh alse verne de desse vorghena(n)ten dorluchtige(n) vorsten vse leuen øme van mekelenborch vnd ere manne denere vnd alle de en an ruͦren scol(e)n to male / vnd ghentzliken vͦtrichtet vnd endet sin vnd en vorbat mer nuͦ(m)mer to nyneme schaden komen sunder var vnd scol(e)n des tuͦschen vs an beyder sẏden vorbat eyneghantse vruͦntscop vnd suͦne sin vor vs an beyden syd vnd alle der vser bey/de ghestlik vnd werlik de dit anruͦret an beyder syd sunder iengerleye vare in sulkerwis vnd vnderscheẏt dat desse suluen vorghescreuene(n) vse leuen øme van Mekeleborch vnd ere erue(n) brukeliken scol(e)n inhebb(e)n van staden an alle sulke / pande vnd pantscop de vs vnd deme stichte to zwer(in) pandes stunden vnd de desser sulue(n) vser øme van mekele(n)borch erue sint van deme neghesten sunte Micheles daghe de nuͦ schirest to ku(m)met ouer dren iaren ghene wi vorb(e)n(anter) Bis/scop Melchior van zwer(in) denne vnd betalen vͦppe den suluen dagh den vorscreuene(n) vsen leue(n) omen hertoge(n) Albrechte van mekele(n)borch hertoge(n) hinr(ik) vnd hertoge(n) Magnuͦse sinen sones vnd eren erue(n) also vele beredes gheldes / alse de suluen slote vnd pande vs vnd deme stichte to pande vor stunden alse dat bewisen alsulke breue dewi vnd dat stichte to zwerin dar ouer hebb(e)n so scol(e)n denne van stadenan alse debetalinghe gheschen is de vorghena(n)ten / vse øme hertoge Albrecht to Mekelenborch hertoge hinr(ik) vnd hertoge Magnuͦs sine sones vnd ere eruen de suluen slote leddich vnd los vs vorb(e)n(anten) Bisscop Melchior vnd vseme stichte van zwerin to pande wedder in antwerden ane wed=/derrede vnd de sulue(n) slote vnd pantschop scole wi vorb(e)n(anter) Bisscop Melchior vnd vse stichte to zwer(in) van vnsen vorb(e)n(anten) ømen van Mekele(n)borch vnd eren eruen in pandes wise so lange inne hebb(e)n vnd beholden bette dat de vorb(e)n(anten) her/toge(n) van Mekelenborch vnse øme edder ere erue(n) de suluen slote vnd pantschop vor dat sulue ghelt wedder leddige(n) vnd losen . so scole wy vorb(e)n(anter) Bisscop Melchior vnd vse stichte to zwerin dessen vorghescreuene(n) hertoge(n) Albrechte / van Mekelenborch hertoge hinr(ik) vnd hertoge Magnuͦs sinen sones vnd eren erue(n) desse suluen slote vnd pantscop wedder leddichliken in antwerden ane allerleye wedderrede Gheuen ok vnd Betalen wi vorb(e)n(anter) Bisscop Melchior van / zwerin den vorscreuene(n) hertoge(n) Albrechte van Mekelenborch hertoge hinr(ik) vnd hertoge Magnuͦse sinen sones vnd eren eruen vppe den dagh suͦlke su(m)me gheldes der vorghena(n)ten pantscop nicht soͥ scol(e)n vse ome van Mekelenborch / vnd ere erue(n) alle alsulke slote vnd ghuͦt der suluen pantscop ane ansprake vnd hindernisse vser vnd vses stichtes to zwerin vrȳe leddichliken beholden vnd besitten vnd so scol(e)n ok vnd willen wi vorb(e)n(anter) Bisscop Melchior vnd vse / Capittel vnd stichte den vorghena(n)ten hertoge(n) van mekele(n)borch vnd eren erue(n) alle breue de wi vnd vse stichte to zwerin ouer de suluen slote vnd pantscop hebb(e)n weddergheue(n) vnd antwerden ane allerleye wedderrede vnd wẏ / vorb(e)n(anter) Bisscop Melchior van zwer(in) scolen vnd willen van staden an ane vortoch den erghena(n)ten hertoge(n) van mekelenborch vnd eren erue(n) sulke vorb(e)n(ante) pantscop in antwerden vnd gheuen vnd scol(e)n der suluen pantscop afghan vnd aftreden / alse verne wy des maght hebb(e)n vnd vs dat anruͦret suͦnder iengherleye wedderrede vnd scol(e)n vnd will(e)n ok dar to dat sulke pantscop den vorb(e)n(anten) vsen omen van mekelenborch vnd eren eruen van stade(n) an in antwerdet werden truͦwelike(n) behuͦl/pen sin suͦnder vortoch edder wedderrede hir vͦp scol(e)n vse ome van mekelenborch vnd de ere vs vorghena(n)ten Bisscop Melchior van zwerin alse eyne(n) Bisscop to zwerin nemen hebb(e)n vnd beholden vnd desse erghena(n)ten hertoge(n) vnd ere erue(n) / scol(e)n vs vorb(e)n(anten) Bisscop Melchior van zwerin dar to dat wi to vseme Bisscopduͦme to zwer(in) vnd allent dat dar to horet gheroweliken komen truͦweliken behulpen syn alse verne alse se van ghebodes weghen des paweses breue vnd van / ghebodes weghen des Romisschen keysers duͦn scolen vnd mogen mit eren vnd rechte ane arghelist vnd ane alles gheverde . Ok so verbinde wy vorghena(n)te Bisscop Melchior van zwer(in) vnd verplichten vs des mit dessen vorghescreuene(n) / vsen ømen van mekelenborch vnde eren erue(n) dat wi de vse vnd vse stichte to zwerin truͦweliken scol(e)n vnd willen behulpen sin in alle eren saken vnd noden iegen alles weme wor en des Behuͦf is vnd scol(e)n doch erer vnd erer erue(n) yege(n) alles / weme to bescheydenheẏt vnd to Rechte mechtich sin vortm(er) scol(e)n vnd willen wy vorb(e)n(anter) Bisscop Melchior van zwer(in) de wile wi Bisscop to zwerin sint mit vsen sloten landen vnd luden den erghena(n)ten vsem omen van mekelenborch vnde / ere(n) eruen nynerleye krȳgh edd(er) schaden duͦn edder wedder se yemende behulpen sin ane alles gheverde vnd scol(e)n vnd will(e)n en vortmer holden sodane(n) Breff van worden to worden den vns Beyden vnse here de Romissche keyser vͦppe desse vorscreue/ne stuͦcke ghegeue(n) vnd mede vruͦntliken vntscheden heft Alle desse vorscreuene(n) saken stuͦcken vnd artikele vnd eyn yslik bisunderen loue wy vorb(e)n(anter) Melchior Bisscop to zwerin vor vs vnd vse nakomelinge vnd vse Capittel vnd stichte to zwer(in) dessen / vorghescreuene(n) hoghgeborn vorsten vnd heren hertoge(n) Albrechte van mekelenborch hinr(ik) vnd Magnuͦse sinen sonen vnd eren erue(n) an ghuden truͦwen stede vnd vast to holdenne sunder iengherleye arghelist edder hulperede in dessem breue dar wy / to groterme tuͦge vnd to merer bekantnisse mit will(e)n vnd mit beradene(n) mude vnse inghesegel vorghehanghen hebb(e)n laten de screue(n) vnd gheue(n) is to zwerin to zwerin na godes Bort dusent iar dre hundert iar in deme souen vnd souenteghesten / iare in deme daghe Tyburtij (et) valerianj der hilghen mertelere Tuge desser dink sint her hinrik van Bulow her vicke Molteke her luder lutzow Riddere her Albert buͦnow vse kentzeler vnd vse rat her Johan van Buͦlowen [...]