[lateinischer Text] Wi hinrik van godes / gnaden . hertoghe to Mekelenborch Greue to zwerẏn to Starg(a)rden vnde to Rostok here bekennen vnde / betughen opembare an dessem breue . dat wi vnde vse eruen . schuldech sẏn van rechter schult vsem leuen / truwen henneken Boieneren vseme voghede to zwerẏn . vnd sinem wiue vnde eren rechten eruen / druddehalf dusent m(a)rk lu[b(esche)] penynghe de her vs vntworen heft in der medegaue vser dochter to herte=/ghen wertslaw . van Stettin vseme sone . Also dat de vorb(e)n(omede) hertech w[e]rtzlaw . vs gentzliken de vor/benomeden Druddehalfduze(n)t mark vnde degher vnde al los ghelaten heft . Dat vs ghenoghet desse / vorb(e)n(omede) summe pennynghe . scole wi vnde vse eruen . deme vorb(e)n(omede) vsen voghede sine wẏue vnde eren / eruen . bereden to wynachten . de nu neghest ku(m)pt mit reden guden pennynghen . alze denne in vsen lan/den ginghe vnde gheue s[in]t de uppe de lub(esche) mmunte slaghen vort sunder huprede edder voretoch / Dat loue wi vorb(e)n(omede) hertoghe hinrik vnde vse eruen vnde mit [...] vs . vse leue here vnses [...] / her Albrecht van godes naden konynk der sweden vnde der [... hertoghe] to ylzelenborch [...] / to zweryn . to Starg(a)rde vnde to Rostok here . dem vorb(e)n(omeden) Henni[gh Boieneren ...] vsem voghede vnde / sine wyue vnde eren eruen . vnde to erer truwen hant den erbaren [...]ddern her Gike pro=/ueste to Reene her Johanne proueste to deme Nyenclostere Her Peter Scroms [...] vseme Ratma(n)/ne to der wysmer Her Johan wyttenborghe vseme scriuere Bẏm Munde vnde [...]dorpe / Knapen . in goden truwen . vnde mit ener sameden hant stede vast vnde gantz [...]to holdenden / Vnd des to tughe . hebbe wi vorb(e)n(omede) Konynk Albrecht vse ynghezeghel . mit vses vorb(e)n(omeden) broder(e) hertegh(e)n / hinrekes ynghezeg(hel) henghen heten vnde laten . vor dessen breff . De gheuen is to zwer[yn] na godes / bord Drutteynhundert iare in dem Achtenteghesten iare in Sunte Mathias auende des hilghe(n) apostel , / [lateinischer Text]