Wy herme(n) vnd heyneke brude(re) geheiten van bluͤcher ¹ bekenne(n) vnd betughen openbar / in dessem breue dat wi vnd vse erue(n) gelecht hebb(e)n vnd legghen mit yeghenwardi/keit desses breues elue(n) mark geldes in deme dorpe to zigghelmarke mit aller / vryheit vnd rechticheit alse wi vnd vns(e) erue(n) dat gi vriest ghehad vnd beseten heb/ben bet in dessen dach to vsem borch lene to wittenborch to ewigentyden dar bẏ to / bliuende vnd hebb(e)n des to tuge vns(er) Jngheseghele ghehengh(et) laten an dessen , / breff dy geue(n) is to zwerin Na godes bord drutteynhundert iar In deme achte / vnd achtentyghesten Jare des nesten middewekens vor sunthe lucien daghe /