Wẏ Her Hinric prouest Johannes berchteheẏle Lubbertus wẏtgherwer Joh(ann)es Kynd . Jacobus Crutebit(ter) . / fredericus Molteke Jacobus oem Joh(ann)es Kaleuorden domheren vnde dat Capitel der kerke(n) tho zwerin / be ke(n)ne(n) vnde betughe(n) apenbar an desseme breue dat wẏ mẏd wolbedachteghem muͦde hebben vns / endrachteghen ghe zettet vnde zetten an desseme breue tho den eddelen heren Balthazar vnde Joh(annes) . / broderen heren wan werle . vnde tho erer herschop an dus daner wis dat wẏ scholen vnde wyllen / med des stichtes sloten alze myd Butzowe vnde warẏn vnde mẏd ghantzer macht bẏ desser vorsc(re)uen ? / heren hulpe blẏuen ieghen eẏnen iewelken dar wy eres r(e)chtes moghen macht is wesen he zy ghestlik / edder werlik . Sunder jeghen vnsen he(re)n den konẏ(n)gh . vnde herich Johan sẏne(n) uedde(re)n hertich magn(us) / sone vnde ere herscop weret ok dat desse vorbenomden heren in ieneghen krẏch edd(er) veẏde quemen dar schole / wẏ bẏ blyuen vnde scholen vns van en nycht daghen vreden edd(er) soͮnen veyden dat myd eren willen vn(de) / desse vorbenomden slote scholen en openstan tho eren nuden vnde nøden , Alle desse vorscreuenen stucke / de loue wẏ her hinric prouest Joh(ann)es berchteheyle lubbertus wẏtgherwer Johannes kẏnd Jacobus / Crutebiter Fredericus molteke Jacobus oem Joh(ann)es kaleuorde domheren vnde Capitel der kerken tho / zwerẏn vor vns vnde vor vnsenakomelynghe dessen vorbenomden heren Balthazar vnde Joha(n)ne / an ghuͦden truwen stede vnde vast tho holdende tho den Jare [vnde ?] desser dagh sund(er) Jenegherleye / hulperede vnde arghelist vnde hebben da tho tughe vnse [...] Inghezeghel myd willen / vnde wytscop henghen laten vor dessen brif De gheue(n) vnde screue(n) is tho zweryn na godes bort , / drutteynhundert jar In deme Souen vnde neghentighesten jar in sunte Mertens aue(n)de des / hilghe(n) biscoppes Thuͦ tughe svnt hir ouer ghe wesen de Erlike wysen [H(ere) ?] de alze wedeghe va(n) beste(n) / Cuͦrt sapelendorp ghert nortman vnde mer andere bedd(er)uer lude de laue(n) vn(de) tughes werdich svnt