Witlik sy all den yenen de dessen bref seen edder horen lesen dat ik gherold hazekop Ridder / bekenne vnde betuͦghe openbar an dessem breue dat de strenge . Ridder her otte beyenvlet / van siner vnde siner eruen weghen , my . beuolen vnde gheheten . heft , vnde vulle macht / ghegeuen heft , dat ik moghe . vnde schole mẏnem leuen gnedigen heren heren alberchte / der zweden vnde der goten koninge hertogen to mekelenborch . greuen to zwerin to star/garde vnde to rozstok heren . to losende doen . dat ganze dorp to molen exe . mit der / molen vor achte hundert m(a)rk lubescher pen(n)inge , dar mẏ dat vorben(omede) ganze dorp . / vnde de mole . to moͮlen exe vore to pande steẏt van hern otten beẏenvlet vnd(e) van / sinen eruen . Vortmer bekenne ich . an dessem breue . dat mẏ mẏn gnedige here koning / albercht vorben(omede) heft . beret vnde betalet de achte hundert lubesche m(a)rk dar my / dat ganze dorp vnd(e) de mole to moͮlen exe vore . to pande stunt . also dat mẏ an der / betalinge vnde beredinge wol ghenoghet . vnde . late vor mẏ vnde mẏne(n) eruen / minen gnedigen heren koning albercht vorben(omede) vnde sine eruen . vor de achte hu(n)dert / lubesche m(a)rk qwit ledich vnde los an dessem ẏeghenwardigen breue , vnde to merer / bewaringe hebbe ich gherold hazekop ridder myn inghesegel wytliken hengen laten / vor dessen bref de ghescreuen is to zwerin na godes bord drutteẏn hundert jar . dar / na in deme achte(n) vnde neghentichsten jare . in sunte dorotheen daghe der hilghen / juncvrouwen /