Wy Rodolof van godes gnaden biscop tu zwerin vn(de) Hertoghe tu Mekelenborch / bekonne openbar(e) in dessem breue dat wi vulbordet hebbe(n) vn(de) vulborden dessen / bref den vse Capittel beseghelt heft den hogghebore fursten vnsen leuen bed=/de(re)n kony(n)gh albrechte van zweden vn(de) Here(n) Johane hertoghen tu Mekelenborch / greue(n) tu zwerin tu Stargharde vn(de) tu Rostok here(n) vn(de) wi loue(n) dat an ghu/den truwen sunder alle argh dat wi dessen sulue vnses capiteles bref dar / disse ieghenwardighe vnse bref an ghe slote(n) is in allen sine(n) artikelen alze he / van worde tu worde luͦet holden willen vn(de) scolen vast vn(de) stede . vn(de) vntubroken / liker wis ofte vnse inghezeghel dar ane hinghe . vn(de) vnse name dar anede ane / stunde . Were ok dat god vor bede dat de vorben(omede) hogghebore(n) vörste Ko=/ny(n)gh albrecht vn(de) H(er)toghe Johan sin veddere tu krighe queme myd vnse(n) / bruden hertoghe Joha(n)ne vn(de) Hertoghe olrike so wil wi vn(de) scolen mẏd vnse / vn(de) des stichtes slote butzow . vn(de) warẏn vn(de) myt vnse(n) ma(n)ne tu deme kri/ghe scille sitten an beydent siden . were ok dat wi vnse(n) vedde(re)n deme ko/ny(n)ghe vn(de) h(er)toghe Joha(n)ne helpe(n) wolde(n) vppe vnse brude(re) dat scal tu vns staen ? / dyt loue wi biscop Rodolof vorbe(nomed) . vnse(n) leue(n) vedde(re)n kony(n)gh albrechte vn(de) h(er)to/ghe Joha(n)ne in ghude(n) truwe(n) stede vn(de) vast tu holdende sunder alle argh / vn(de) hebbe(n) des tu merer bekwari(n)ghe dessen vnse(n) bref mẏt vnseme inghezeghele / beseghelt an vnses capittels bref . He(n)ghen late(n) . Screue(n) tu zweryn na godes / bort drutteynhu(n)dert Jar dar na in deme achte vn(de) neghentigheste(n) des / negheste(n) sundaghes na sunte Andreas daghe des hilghen apostoles /