Wy hans hunte vnd mathias munte knapen bekennen openbar an dessem breue dat wi vor / vns vnd(e) vor vnse eruen ghelouet hebben vnd(e) louen an dessem breue den dorluchtigen fursten / vnd he(re)n herren Albrechte der Sweden vnd der goten koninghe . vnd h(er)togen Johanne . hertoghe / to mekelenborch Greuen to zwerin to Stargard vnd(e) to Rozstok he(re)n . vnd eren rechten eruen / ene gantze sone vnd enen veligen ewighen vrede . also dat wi na dessem dage num(m)er wille(n) / edder scholen ere edder erer lande manne(n) edde(r) stede vyende werden edder icht beschedeghen dat en / boret to vorderdinghen . Ane dat were also dat vnse h(e)re dare wi vnder husseten weren to kryge queme / mid dessen vorscre(ue)n he(re)n so scole wi vnd mogen vnses he(re)n gheneten vnd entghelden den krvch / al uͤt Alle desse vorscr(euenen) stucke loue wi hans vnd mathias vorben(omed) . vnd(e) mid vns vnse naben(omede) / medeloue(re) alse Clawes van Redingxtorpe van nyenborch . hans Roͤr to deme nyenhuse vnd(e) / Clawes capelle alle mit ener same(n)der hand den dorluchtigen fursten koningh albrechte / vnd hertoghe Johanne vnd eren rechten eruen vnd to erer truwen hand hern hansse lutzow(e) / Ridde(re) bartwike van bulow(e) . hansse vam kroge vnd(e) hinrik(e) van drantvm voghede to zwerin / in guden truwe stede vnd vast to holdende sunder yengherleye hulperede vnd(e) sunder alle argh / vnd des to tuge vnd mere bewarunge hebbe wi hans vnd mathias vorben(omede) . vnd(e) vnse vor/benomede medeloue(re) vnse Ingesegele witlike(n) henghen laten an dessen breff de gescr(euen) is to zwer(in) / na godes bord verteynhundert jar des vrydages in dem vastelauende /