Ik Tymme Luͦchowe knape Bekenne vnd betuge openbare an dessem breue / dat Ik hebbe gelouet vnd loue an guden truwen den hochgebornen fuͦrsten / vnd mẏne(n) leuen gnedigen heren hern Alberte Konig(e) der Sweden vnde der / Gothen vnd Johanne dem Jughere hertogen to Meklenborch greue to zwerin / to Stargarde vnd rostok heren . dat Ik ere vnde erer erue(n) . herscop lande / man(n)e stede vnd alle erer inwoner(e) vient num(m)er werden schal vnd ze / num(m)er beschedigen schal . nu vnde an ewige(n) tokome(n)den tiden . vnde des / to tuͦge hebbe ik . vorben(omede) tymme my(n) Ingezegel . mit will(e)n vnd wiscop / henget an dessen breff . vnd wẏ Johan bere ridder vnd Clawes sperling / knape bekenne(n) vnde betuͦgen an desse sulue(n) breue dat wẏ dorch bede / will(e)n desses vorben(omeden) tymme(n) luchowen . hebb(e)n vnse Ingezegele mede hengen / laten to tuge an dessen breff . de geue(n) vnd screue(n) is . to zwer(in) na godes / bord an dem veerteynhunderdesten Jare Jn sunten blasius dage . /