It(em) wy Beke(n)nen dat wage(n)knechtesche sijck hefft beholde(n) de bode dar se / ane wanet to erem(e) leue(n)de vnd(e) mach ere gemak hebbe(n) in dem(e) huse / by dem(e) vure vnd(e) Migge(n) ganck tome sodewat(er) to hale(n)de su(n)der / Jema(n)d(es) bewernisse /

It(em) H(er)men schultesche is schuldich wilm Kremer(en) xx lub(esche) m(a)r(k) dar settet se / em vor(e) ij morge(n) ackers de ene is belege(n) vppe dem(e) ostorper velde vnd(e) / de ander(e) schut vppe der lankow(er) brugge den ackers mach wylm messen vnd(e) / syne(n) mesz vtbuwe(n) In vigi(lia) N(a)ti(vi)t(atis) (christi) / ¹

It(em) Henrik Detmer is schuldich vicko Smilouwe(n) tey(n) lub(esche) mark dar settet he / em vor(e) ene morge(n) ackers belege(n) a(m)me ghosewinkele Den acker mach / Vicko Messen vnd(e) synen mesz vtbuwen Sig(na)t(um) Mcccc lijo ip(s)o die Lucie / ²

It(em) wẏ Bekennen dat Hinrik Sluter is schuldich myt syne(n) eruen Taleke / wilken vnd(e) Hinrike erem(e) eliken ma(n)ne alle Jar de wile se beyde leuen / offte erer en dre lub(esche) mark lifgedinges to veer tijden a(m)me Jare alle / veerndel Jares twelff lub(esche) schillinge vnd(e) we(n)ner taleke vnd(e) Hinrik / in god syn[t] ³ beyde synt vorstorue(n) so schole(n) de dre m(a)rk mede dot wesen / Dar settet Hinrik sluter vor(e) syn hus dar he y(n)ne wonet myt syn(en) tobehori(n)ge / in der ersten scrifft Sig(na)t(um) ut s(upra) seq(uen)ti die lucie /⁴

It(em) Tewes weghener settet syn hus vnd(e) redeste gud Hinrik Ekhorste H(er)men / ty(m)men Hans struke vnd(e) Tewes smede to bewaringe vor dat loffte dat se / vor em lauet hebben vor dat sulue hus in der negest den ⁵ erste(n) scrifften de dar ane / stad Sig(na)t(um) in vigi(lia) thome /⁶

It(em) Hinrick wilken is schuldich To(n)nyes struuere xij m(a)rk dar settet he / em vor(e) tobewaringe ene(n) morge(n) ackers baue(n) der owen den acker mach / to(n)nyes messen vnd(e) syne(n) messz vt buwen Sig(na)t(um) a(n)no vt s(upra) in vigi(lia) thome / ⁷

It(em) pawel horne is schuldich kalebernde vnd(e) Hans Ku(n)kele vefftich lub(esche) / m(a)rk dar schal pawel Kalebernde vnd(e) Hanse vorscr(euen) gheuen alle Jar / to su(n)te Joh(an)is daghe dre mark to renthe Dar settet Pawel en vore / tobewaringe syn hus myt syn(er) tobehoringe negest vor scrifften we(n)ner / Pawel dat gheld wil wedder vtgheue(n) edder Bernd vnd(e) Hans dat gheld / wille(n) hebben so schal erer een dem(e) andere(n) ey(n) veerndel Jares to voren / to segghen Sig(na)t(um) Mcccclijo in vigi(lia) thome / ⁸

Ite(m) Tilseke Hans spiselerchelen wedewe hefft an ghereke koni(n)ges huse / veer mark alle Jar vppe su(n)te Michaelis dach we(n)ner ghe(re)ke ⁹ de veer mark nicht lenck / wil vtgheuen so schal her eer dat eer eyn veerndel Jares to vor(e)n vorku(n)dige(n) / vnd(e) de(n)ne gheuen vnd(e) betalen dar na to su(n)te Michaelis daghe veervndevefftich / lub(esche) mark an enem(e) su(m)men Signat(um) Anno Mccccliij(o) in p(ro)festo phi(lippi) et Ja(cobi) / ¹⁰

It(em) Clawes Ortman hefft ge settet syn hus myt syn(er) tobehori(n)ge an der ersten / scrifft Curd Koneken Kalebernde plochrade vnd(e) H(er)men lubbeken tobewaringe / vor dat loffte dat se dem(e) rade lauet hebben vor veervndevefftich mark / Sig(na)t(um) ut p(ro)x(im)e sup(ra) / ¹¹

It(em) He(n)ni(n)gk brand is schuldich Kalebernde Kalehinrekes sone vnd(e) Curd Koneken / vnd(e) Kalebernde syne(n) voermu(n)dere(n) to syn(er) truwerhand vefftich lub(esche) m(a)rk dar / schal he eer vor(e) gheue(n) alle Jar veerdehalue m(a)rk to renthe vppe su(n)te Michael(is) / daghe dar settet he(n)ni(n)gk en vor(e) tobewaringe syn hus myt syn(er) tobehori(n)ge in / der ersten scrifft Signat(um) ut p(ro)x(im)e supra / ¹²