Ik Detlef van dem loͦe bekenne openbare myt mynen eruen . In desseme breue vor alle / den Jennen de ene seen ofte horen lesen Dat ik myt wol bedachten mode hebbe vor koft vnde / Jegenwardich vorkope Jn kraft desses breues Eggerd qwitzouwen synen eruen vnde / den hebberen desses breues to eneme ewigen erf , kope my vnde mynen eruen to ewigen / tyden dar nicht ane to be holdende twe stucke landes de van deme velde to tramme / schetende synt vppe de holmer keke vnde vppe trammer velde vnde vppe deme velde to / greskendorpe vnde wor ik wes hebbe Jn to losende Dat vthe steid Dat mach eggerd vnde / syne eruen losen vnde ok hebben to eneme koften kope hyr vore heft my eggerd vorben(omede) / nochaftigen betalet enen tzummen pennynge alze wy ene worden synt dit gud ik vnde myne / eruen scholen eggerde erben(omede) vnde synen eruen ok den hebberen desses breues recht warende / wesen vnde entfrigen van aller an sprake wan en des noͦt is vp vnse egene koste vnde / schaden vor alle de Jennen de vor recht kamen wyllen recht nemen vnde gen en wyllen / se synt ghestlik edder werliken sunder Jenigerleige hulpe rede ane alle eren schaden Des to / tughe alle stucke to holdende alze vorescreuen ys hebbe ik detlef vor my vnde myne / eruen myn Jngesegel to ener Wyschop vor my vnde myne eruen ge henget vor dessen breff / Jn den iaren vnses heren veerteigenhundert iare an deme twevndeveftigesten iare dar na / an deme mandage na palme /