Ik hinricus bentzin vicar(ius) to Rozstok vn(de) kerckher(re) tor Hogensprentze Beken(n)e / apenbar vor alszwem(e) mit dessem(e) mynem(e) breue Dat Ik myt mynen r(e)ch/ten erue(n) plichtich vn(de) schuldich byn . witliker schult hundert Ri(ni)sher / gulden den duchtigen wernere fredericke vnde hansze broder(e)n ghehe/te(n) de bulowe(n) vn(de) ere(n) eruen de Ik efte myne eruen en efte ere(n) erue(n) schall / vnde will to dancke vnde tor nuͦghe bereden vnde betale(n) vp sunte / mertensdach nw negestkome(n)de bynne(n) zwerin sunder jenig(er)leye anseg/ghent Alle desse vorschr(euen) stucke loue Ik hinricus v(or)ben(omede) mite mynen / erue(n) stede vn(de) vast to holdende vn(de) mit mynen truwen medelouern de / de sint Jasper vn(de) Jurges broder(e) geheten de halu(en)stede vnde hebbe / des to tuge myn Ingesegel henget Wij halu(en)stede vorbe(nomede) loue(n) endracht/like myt vnsem(e) houetman(n)e erben(omede) desz gelike(n) i(n) gude(n) truwe stede vnde / vast to holdende vn(de) hebbe ok des to tuge vnse ingese(gel) henge(n) hete(n) an / desse(n) breff Geuen to zwerin am Irsten donr(es)dage In der vasten An(n)o / d(o)m(ini) m cccco i(a)r dar na am(e) dre vnde veftigesten /