It(em) witlik is vns dat Clawes Mollersche is schuldich H(er) Nicolao Smede / erem(e) brodere vefftich lub(esche) mark dar schal se em vor(e) gheue(n) alle Jar v[ppe] ¹ dre / mark vor(e) vppe sunte Martinj daghe de wile he leuet we(n)ner ou(er) H(er) Nicolaus / erscr(euen) in got vorsteruet So schal se de dre mark alle Jar vppe de sulue tijd / vort gheue(n) H(er) Herme(n) Heynen edder der vicarien de he nu hefft hebber(e) / vnd(e) besitter(e) an tokome(nen) tijden vnd(e) Her Nicolaus Her Hermen edder der vicarien / besitter schal to den vefftich marke(n) ny(n) to segge(n)t hebben Men se moge(n) de / dre mark alle Jar panden so verne se nicht fru(n)tlike(n) nicht bered werden / Dar settet se vore to bewaringe ere hus schune vnd(e) acker vnd(e) ander tobehori(n)ge / in der ersten scrifft wer(et) ok dat Clawes mollersche offte er(e) nakomeli(n)g(e) des huses / de vefftich mark wolde wedder vtgheuen so schal de Rad to Zwerin de wedd(er) / an legge(n) myt witschop des vicarij so dat se ewich by der vicarien blyuen / Scriptu(m) [...] Anno d(o)m(ini) Mill(es)imoquadri(n)ge(n)tesi(m)oqui(n)quage(nte)si(m)otertio seq(uen)ti die lucie /²

It(em) Hans Heyneken is schuldich Hermen Lubbeken tey(n) lub(esche) mark dar settet he em vor(e) / ene morghen Ackers by d(er) Ouwen den Acker mach Hermen messzen vnd(e) synen / mesz vtbuwen Sig(na)t(um) vt s(upra) / ³

It(em) is vns witlik dat Ghereke Angheler hefft eengedrage(n) myt Herma(n)no synem(e) / sone dat Hermen schal beholden dat hus to egendom(e) vnd(e) schal dar vor(e) aff gh[euen] ⁴ holden / den vader insyn(er) kost vnd(e) en(e) besorge(n) vnd(e) leeflike(n) handelen Ok schal de vader to / synem(e) leue(n)de hebbe(n) vnd(e) beholden de Ke(m)menade to syn(en) behuff we(ret) ou(er) dat de / Ghereke ⁵ erscr(euene) Herme(n) vor storue So⁶ vnd(e) Ghereke vorben(omed) myt synes Sons wyue / au(er) een des nicht dre⁷ konden wesen so schal see Gherde gheue(n) xx lub(esche) m(a)rk vnd(e) / de xx mark scholen vort an de eruen kome(n) men vnd(e)⁸ Ghereke schal de Ke(m)enade / to synem(e) leue(n)de beholden Sc(ri)pt(um) an(te) vigi(lia) Epihanie liiijo / ⁹

It(em) Hinrick weltzin hefft ge settet syn huͤs myt der tobehoringe vnd(e) syn redeste gud / He(n)ningk vrittzen Schone(n)beken vnd(e) Clawes Lutmer(e) vor dat loffte dat se vor veftich / m(a)r(k) vor em gelauet hebbe(n) H(er)me(n) vempen vnd(e) Clawes Heyne(n) neghest vor scriffte(n) / Signat(um) liiijo /

It(em) Peter bruggeman is schuldich den Kyndere(n) tom(e) Hilge(n)gheste druttich lub(esche) / mark dar schal he en vor(e) gheue(n) alle Jar twe mark vppe su(n)te Joh(an)is daghe / baptisten N(a)ti(vi)tat(is) dar settet he en vor(e) syn hus to bewaringe myt syn(er) tobehori(n)ge / neghest vor scrifften Sig(na)t(um) liiijo in vigi(lia) N(a)ti(vi)tatis Joha(ni)s bap(tis)te / ¹⁰

It(em) Murmostersche is schuldich wylm Kreme(re) veer [...] ¹¹ lub(esche) m(a)rk dar settet se em / vor(e) twe morge(n) ackers belege(n) a(m)me kabelendale by d(er) Lankouwer brughe ? de ander(e)¹² / ene morge(n)¹³ vppem(e) Ostorper velde a(m)me Raewinkele ? den acker mach wylm messen vnd(e) / synen mesz vtbuwen Signat(um) liiijto fer(ia) qu(in)ta an thome / ¹⁴

It(em) is vns witlik dat Clawes ludolphi is schuldich peter Jacobes vefftich lub(esche) / m(a)rk dar schal he em vor(e) gheuen alle Jar dre lub(esche) m(a)rk vppe su(n)te Michaelis dach / Dar settet he em vor(e) to bewaringe syn hus myt der tobehoringe enen / morge(n) ackers by dem(e) ribenholte vnd(e) synen Kolhoff by dem(e) weddelope / Et soluet trib(us) vicib(us) H(er)men(e) tues mar(k) Sig(na)t(um) Anno lvto in octaua / cor(poris) (cristi) / ¹⁵