It(em) de sulue He(n)ni(n)gk brand is schuldich wilm Kremere vervndetwinthich mark / dar settet he em vor(e) tobwaringe ene morghen ackers belege(n) by der Owen den / acker mach wilm buwen twe saet were dat he(n)nigk de(n)ne nicht wedd(er) losede / So mach wilm den acker buwen ¹ messen vnd(e) synen mesz vtbuwen Sig(na)t(um) phi(lippi) et Ja(cobi) /²

It(em) wẏ Bekennen dat Detmer Rokeman hefft gesettet syn hus myt syn(er) tobehoringe / vnd(e) syn redeste gud Hinrik Swarten Alberd Alberd(es) pawel Hornen vnd(e) Hermen / Nuchterndantze tobewaringe vor dat loffte dat se em ³ vor em Copke Heynen / gelauet hebben Sig(na)t(um) eod(em) t(em)p(o)re⁴ /

It(em) laure(n)tz scherer is schuldich Sunte Jurien Kinderen xxx lub(esche) mark dar schal he / en vor(e) tobewaringe ⁵ gheuen alle Jar twe mark vppe winachten dar settet he en / vor(e) tobewaringe syn hus myt syn(er) tobehoringe in der ersten scrifft Sig(na)t(um) phi(lippi) et Ja(cobi) liijo / ⁶

It(em) Detloff lauersberch is schuldich su(n)te Jurien Kindere xx lub(esche) mark vnd(e) alle Jar / dor vor(e) twe mark to renthe vppe winachte(n) dar settet he en vor(e) tobewaringe syn / hus myt syn(er) tobehoringe in der eerste(n) scrifft /

It(em) Mester Clawes is schuldich Hans wickendorpe vnsem(e) Ku(m)pane xxiiij s(chilling) ⁷ m(a)r(k) / lub(esch) dar settet he em vor(e) tobewaringesyn hus in der Hu(n)destrate(n) in der eerste(n) / scrifft myt syn(er) tobehoringe Signat(um) in p(ro)festo phi(lippi) et Ja(cobi) liijo / ⁸

It(em) witlik is vns dat Hinrick Lutmer is schuldich dem Scroder Ampte to Zwerin / vefftich lub(esche) m(a)rk Dar schal Hinrik alle Jar to Joh(an)is bap(tis)te N(a)ti(vi)tatis gheue(n) vor(e) / veer mark to renthe vnd(e) een ⁹ dat to segghe(n)t schal wesen an beyden sijden schal¹⁰ / wesen to su(n)te Joh(an)is daghe erscr(euen) vnd(e) de betali(n)ge dar vore na to Michaelis / daghe Dar settet Hinrick Lutm(er) erscr(euen) dem(e) vorben(omeden) Ampte vor(e) tobewari(n)ge / syn hus myt syn(er) tobehoringhe neghest den twelff marken de Hans wicke(n)dorp / vns(es) rades Ku(m)pan hefft an enem(e) morge(n) acker(e) Sig(na)t(um) liijo Seq(uen)ti die (con)cep(ti)o(nis) / ¹¹

Witlik is vns dat Hans ka(n)ne(n)gheter hefft gesettet syn hus myt syn(er) tobehori(n)ge / Hinrick Ty(m)men vnd(e) alle d(e) Seuerine tobewari(n)ge vor dat loffte dat se vor em / gelauet hebbe(n) den Knake(n)houwere(n) vor x lub(esche) m(a)r(k) sig(na)t(um) vt s(upra) / ¹²

It(em) witlik is vns dat Hermen Nuchterndantz is schuldich syn(er) moder vefftich / lub(esche) m(a)rk dar schal he ere vor(e) gheue(n) alle Jar dre mark to renthe vppe su(n)te Michael(is) / dach Dar settet he er vor(e) to bewari(n)ge syn hus myt syn(er) tobehoringe in d(er) ersten / scrifft vnd(e) de vefftich m(a)r(k) schal H(er)men ok dem(e) rade vorschaten sig(na)t(um) lucie ut s(upra) / ¹³

It(em) Clawes ty(m)me is schuldich Hans wicke(n)dorpe vefftich lub(esche) m(a)rk dar schal he em vor(e) / gheue(n) iiij mark alle Jar to su(n)te Michaelis daghe dar settet he em vor(e) tobewaringe syne / beyden huse myt er(er) tobehoringe in der ersten scrifft vnd(e) dat tosegghe(n)t schal an beyden / sijden wesen ey(n) halff Jar to voren signat(um) ut p(ro)x(ime) s(upra) / ¹⁴

It(em) Hermen wolter is schuldich Hans wicke(n)dorpe erscr(euen) druttich lub(esche) mark / dar schal he em vor(e) gheue(n) twe lub(esche) mark alle Jar to su(n)te Joh(an)is daghe N(a)ti(vi)tat(is) / dar settet he em vore tobewaringe syn hus myt syn(er) tobehoringen in der ersten / scrifft Vnd(e) wicke(n)dorp schal ny(n) tosegge(n)t hebbe(n) to den xxx marke(n) so verne / H(er)men de twe march fru(n)tliken vnd(e) myt will(e)n vtgifft anders schal dat to zegge(n)t / ey(n) halff Jar to vor(e)n wesen Sig(na)t(um) ut p(ro)x(im)e s(upra) vnd(e) desse twe mark gheld(es) / Heft wicke(n)dorp geue(n) vnd(e) tekent to H(er) Herme(n) Koni(n)ges moderen / Alse dat in der Kerken donat(um) buck gescr(euen) is ¹⁵