Item Blasius wulleff bokennet apenbar mit siner husfrouwen dat he is schuldich Lorens Kuttener / des rades medekumpan Hundert gude marck dar , settet he eme vore inbowaringe . sin hus mit siner / to behoringe dar settet he ¹ schal he eme vor geuen alle Jar vj gude marck vnde dat vp seggent / scholen se hebben an beyden parten en verndell Jars de enem(e) dem(e) anderen to voren to toseggende vnde so / schal uth geuen blasius vppe paschen de Renthe Anno d(o)m(ini) (it cetera) xciij an den achten dagen to paschen /²

It(em) Anno d(o)m(ini) (it cetera) xciij Bokenne ik benedict(us) pauwens dat ick schuldich bin Clawes Rumppe / xij gude m(a)r(ck) dar sette ik eme vore in bewaringe enen morgen ackers bolegen bij peter / heyne stukke in dem(e) glosewinkell ³ vnde dat vpp seggent hefft benedicte(s) /

Anno d(o)m(ini) (it cetera) xciiij Am(e) Auende barnabe Bokenne ick Hans petershag(e)n borger to lubeck vor my / vnde myne rechten rechten ⁴ erue(n) dat ick witliker schult schuldich bin der Erliken frouwen / gretiken Kesendorppesschen sosz marck lub(esch) to erem(e) leuende welker sosz marck ick edder myne / erue(n) scholen geuen vnde betalen alle Jar vppe sunte Joha(n)nes dage middensamer der benomeden / frouwen vnde wert dat ick edder myne rechte(n) eruen sodan(e) sosz marck vppe sodan(e) baue(n) schreuen / tidt nicht uthgeuen vnde betalden So wil ick hans vorbenomet edder myne rechte(n) eruen tho / zwerin Jnryden sunder Jnmane(n)t vnde dar nicht ut tho rydende edder myne eruen sunder sodan(e) / sosz marck sint degher vnde gantzliken uth gekamen vndebetalt Sodan(e) loue ick hans mit / myne(n) rechte(n) eruen dem(e) gantzen Rade van Zwerin vnde der gemelten frouwen to truwer handt / ⁵

Anno d(o)m(ini) (it cetera) xciiij Ick Jasper loste Bokenne apenbar(e) dat ik hebbe vor kofft myn husz / mit aller siner tobehoringe boleg(e)n twusschen Heyne bussche vnde wilhelm bremer dat wendages / hefft to behort hinrick knylle deme werdig(e)n her(e)n Arnolde van verden vnde sinen testame(n)tarien / vor vofftich lub(esche) marck vnde dar schal he eme vor geuen alle iar dre gude marck vppe / wynachten ⁶ vnde ick Jasper obgn(an)t wil vppe sodan(es) hus nen gelt mer nemen edder hoger / vorpanden sodane(n) schreue(n) steyt in der ersten schrifft vnde dat to seggent scholen se hebben / an beyden parten en ferndel Jars to voren dat(um) ut (supra) am(e) dage Johanns in deme wynachten /⁷

Anno d(o)m(ini) (it cetera) xcv Jar(e) am(e) Auende der hillig(e)n drekonynge Bokenne ick Titke schulte / wonachtich vppe deme orde twusschen Hans maken vnde Hans mirren deme borgermester(e) / dat ick witliken schuldich bin deme Ersame(n) Syuert su(n)nenblick vnnses rades medeku(m)pan / vofftich gude m(a)r(ck) dar settet he eme vore sin husz tobowaringe dar schal he eme / vore geuen alle Jar(e) dre marck lub(esch) vppe passchen vnde dat to seggent schole se hebben / an beyden parten en ferndel Jars to vore in der ersten schrifft / ⁸

Anno d(o)m(ini) (it cetera) xcv Jar(e) am(e) frydage vor margarete Bokenne ick Hermen varenhusz / wonafftich in der borchstraten des zilig(e)n h(er)men varenhuszes sone dat ick hebben vor settet / in myner schuͮnen boleggen to dem(e) husz voftehalue fack Titke schulten deme / Radtma(n)ne vor xlvj m(a)r(ck) vnde tolosende sodan(e) vake namelken twe vake vor xx / m(a)r(ck) vnde vppe ene andere tit to losende druddehalue vack wor xxvj m(a)r(ck) / vnde de ene deme anderen en halff Jar to toseggende an beyden parten in der ersten / schrifft den neuͮenst heft tijtke schulte de Borg(er)mester vth gedaen twelf m(a)r(ck) [...] / tijtke bertram vp dat vj vack der schuͮne(n) baue(n)scr(euen) / ⁹

Anno d(o)m(ini) (it cetera) xcv Am(e) Midtueken na Martinij Bokennen wy dat Hans Murre(n) vnse / Borg(er)mester , hefft v(or)noghet , hinrik hauenwy(n) to den Nigenkroghen vnd(e) sin(er) husfrouwen katherinen / xx m(a)r(ck) , dem(e) suluen Hinrik hauenwy(n) xv vnd(e) Hans Busschen v m(a)r(ck) van weg(e)n / des Croghes to krake dar(e) se ansegghent to hadden dar(e) mede hebben se aff gelaten aller ansprake [...] / de se to dem(e) suluen kroghe hadden , to nenen tijden dar(e) up to sakende vnd(e) willen em vorscha[den syn] / vor alle namanent , dith sulue hebben(n) hulpen deghedinghen Jacob vosz vaghet to Swerin H(er) [...] / van der weyde Compter to krake , H(er) Ghert de hauemest(er) to vlze vnd(e) hans winterfelt / ¹⁰