It(em) witlick is alle den Jennen de desse schrifft zeen edder horen lesen dat Arnth / Brandenborg is schuldich sinen steffkinder(e)n Symon vnde Hans broder(e) heten de / westuall lxxx m(a)r(k) van eres vaders eruͥe vnde so schal arnt obgn(an)t geuen Hansze / xl m(a)r(k) vnde de xl to betalende alle Jar v m(a)r(k) so lange de su(m)me betalt [...] sy vnde / so schal he geue(n) symon obgn(an)t ock xl m(a)r(k) vnde vor sodan(er) xl m(a)r(k) schal he symon / [m]oden ? de dage sines leuendes vnde wert sick vnderlank nicht konen vor dragen , vnde / dat vpp seggent scholen se hebben an beyden perten en ferndel Jars to vorne Anno do(mini) / (it cetera) Am(e) Auende nativitat(is) (cristi) Anno D(o)m(ini) (it cetera) xvj / ¹

Item bokenne ick Titke schulte borger dat ick hebbe vorsettet enen morgen ackers / bolegen by der lankouwer hege twusschen Hinrick vnd(e) Clawes Heyne ² segger vnde Clawes / Heyne peters sone dar H³ Symon molre dar hefft he eme vppe de dan ? x gude m(a)r(k) / dar schal he , den acker vor bruken dat(um) Am(e) Auende viti Anno d(o)m(ini) (it cetera) xcvij /⁴

Item Hinrik dikman is schuldig In der scrod(er) ghilde veftich lub(esche) m(a)r(k) dar schall / he alle Jar(e) dem(e) ghilde vor(e)geuen(e) iij m(a)r(k) vp pinxsten dar(e) vor settet he dem / ampte vnd(e) ghilde to bowaringe sin husz mit sin(er) tobohoringe in d(er) ersten scrifft / vnd(e) dat to segghent schal Hinrik dikman allenen(e) hebben Sig(na)t(um) anno d(o)m(ini) / xcix am(e) auende [...] /

Item witlik isz dem(e) Rade dat Brandt Berchman vorsettet j morghen ackersz boleghen in dem(e) / kabeldale twisschen clawes wisker vnd(e) hinrik dikman(e) , mester Hinrik swarten dem(e) schomak(er) / vor x m(a)r(k) den akk(er) schal mester Hinrik bruken . so langhe dar he sodan(e) x m(a)r(k) / wedder kricht Sig(na)t(um) Am(e) sonauend(e) na Reginij Anno (it cetera) xcix Oft ? Ock Hinr(ik) Swarte in / dem(e) acker noch mesz hadde den schall ergesc(reuener) hinr(ik) erstmals uͮth buwen . Vnd(e) dat to segghe(n)t / scholen se hebb(e)n in beẏden parthen j verndell jarsz toforen(n) / ⁵