Wy Rudol(f) von der gnade goddes h(e)rzoge der Junge tuͦ zassen be=/kennen vnde bethugen oppenbar(e) Indisme oppene brife . Dat wy / mit willen vnses herren vnses vater vnd(e) mit rate vnser manne / hebb(e)n vorkoft ledich vnde vriͤ gegheuen vnser stat tuͦ wittenb(er)g / den ouerghen let tins den wy hadden bouen achte mark dy / de stat vore het . Indem kofhvse mit den buͦden dy dar an gebuw(et) / waren Mit al den steden twisschen schŏsternen vleyssch(er)nen vnd(e) / brotschernen Also dat dy stat sich des nutte maken scal des besten / wes sy mach . Disser ding sint thuge her hans loser . her cone / Rotge riddere . Cone von kotstede her Joh(anne)s pape vnser vrouw(e)n / Capelan Vnd(e) dat wẏ disse vore bescreuen dink stede vnde ganz / halden des hebbe wẏ dissen briͤf geuen besegelet mit vnsem - / angehantten Ingesegel . Na goddes bort dretteynhundert Iar In / dem veire vnde veftegesten Iare an allerheylegen daghe - /