Wir diderik von genade goddes bischop tu brand(enborgh) . dum ¹ / witlich alle den di dessen brif sien vn(de) horen lesen dat / na rade vnser heren . heren otten ertz bischop tu meyde(borgh) / vn(de) hertzoghen Rudol(f) von sassen is ouer gegheuen als / hir na gheschreuen steit . Wi eyne mark geldes kopen wil / vp erue in der stat tu wittenb(er)g di schal si kophen vm=/me teyn brand(enbursche) mark vn(de) nicht nair vn(de) di de si vor=/koft an deme schal dat stan . wen he si widderkopen / mach . mit goddes hulpe vn(de) nicht an deme di de koft / wen he schal si em mit willen laten wedder vmme / dat vornante gelt vn(de) schal den tins nicht lengher la-/ten stan wen eyn iar so scholen di ratman iren kneyt² / dar to lyen dat me em pandes helpe vt deme erue su(n)der / klaghewurt ouer dat me em pandes nicht helpen muchte / vn(de) gheuer vluchtich wurde von sime erue so schal di den / tins het claghen vp(p) dat erue vor gherichte also it recht / is vn(de) schal dat erue vorkophen so it eyn recht is vor sin / gelt vn(de) vor sinen tins ok schal me neyn schot dar vp slan / sunder ider man schal sin gut vorschothen . were auer dat / eyn man di den tins het sines geldes dorfthe di mach / wol eyne(n) andern man(n)e den tins vorkopen vm(m)e so dan / ghelt also he en koft het vn(de) dat di di den tins vor/koft het sal bliuen vor eme selue(n) rechte also it vorgena(n)t / is . Disse vorbenante stucke wulborde wi vorbenante dide/rik bischop tu brand(enborgh) . vn(de) hebben dat dar vor dat si met eren vn(de) rechte wol sin moghen . to eyme orkunde so hebbe / wi tu dissen briue vnse ingeseghen angehange(n) . dar sin / ouer gewesen . di erbar lude di lesemest(er) von den baruote(n) / brudere(n) tu witte(n)b(er)g . meyst(er) hinr(ik) . perrer tu der tzane / meyst(er) hinr(ik) des vorbenante(n) hertzoghe(n) tu sassen sc(ri)ber / her otte vnse official vn(de) and(ere) gude lude dat(um) witte(n)b(er)g / d(o)m(in)i m ccc lvij. in die se(n)te mar(i)e magdalene /