Wir ratman(n)e(n) tzuͦ witte(n)berch bekennen offenlichen in dissen briue daz daz hus der brude/re do di brotme(n) in wont is ledich vn(de) vri von alme burgerrechte noch deme wilbore vn(de) / noch der genaden vnser hern von sachsen vn(de) di wile dan hans neuel in daz vorgenante / hus wonet ensal daz och nicht me beschweret sin von entveme burgerrechte nuͦ vn(de) hir / nach . wenes vor gewest is. sunder der vorgena(n)te hans neuel schal vor sin guͦt schos=/sen wachen vn(de) alle burg(er)recht tun . alse eyn ander burger tuͦt . daz disse vor beschreue(n) / stuͤcke gantz vn(de) war sin lege wir hir vf vnsen ingezegel .. Beschreuen nach gotes / gebort dritzen hundert iar dri vn(de) sechstich iar an deme irsten sunabe(n)de in d(er) vastene