Weten scolen alle dyͤ lude dyͤ nu sint . vnd(e) hir na komen . Dat Claus wais / Hans lusow . Hans tornow dyͤ ju(n)ghe . Arnd tornow . Hans crewel . vnd(e) peter / sin bruͦder hebben hanse keme(re)r vnsen truwen fruͦnt duͦrch der stad dingh / alse hee Radman was. leyder dod gheslaghen in ganczen truwen vnd(e) in / eyneme vreden dyͤ eͦme vnd(e) al vnsen buͦrghe(re)n gewarcht was van vn/sen edelen herren van Anh(alt) by liue vnd(e) by ghude tuͦ haldene . Dyssen / vrede hebben sy an hanse keme(re)r ghebroken . des syͤle god hebbe . Hir/vm(m)e is dat vnmoghelek dat disse vorbenuͦmde lude ymmer tuͦ deme / rade oder tuͦ ini(n)ghemeyste(re)n. oder tuͦ ennyghen dinghen in der stad w(er)den / ghekoren . Dat bethuge wy met der stad jnseghel(e)