Witlike sye alle de(n) dẏ dissen brif ansin od(er) ho(r)en dat wẏe schepene dar stat tu c(er)wist / willeke(n) dagheuir Thẏle von strinu(m) Heẏne grote . Hans wrih(er)e tyle morditz(en) vn(de) / tẏle buͦdeler ghewillekort vn(de) genslike(n) mit vorbedachten mude vn(de) mit ghu/de(n) wille(n) ouereẏnghedraghe(n) hebbe(n) dat wẏe sunte andreas altar . dat wy ghe/buwet hebbe(n) inder nẏge(n) cappelle(n) i(n) sunte Nycl(awes) kerke . mit Salmo(n) morditz al/mese(n) . vn(de) mit syneme ghude bewedemet hebbe(n) deme got ghenade . We(nne) it los / wert nẏma(n)de dorch liue noch maghschap noch gaue noch ere noch dorch vorch/te noch dinste lyen wille(n) noch en scholen we(n) wẏe vn(de) vnse navolghe(re) wille(n) vn(de) scole(n) it / eẏneme arme(n) bederue(n) vn(de) unbespreke(n) priste(re) od(er) schulre luttenlike(n) dorch vnse(n) he(re)n got / vorlẏen Tu eyner orku(n)de dat wẏ dessen wilkor vn(de) ouerendracht vaste vn(de) stede halde(n) / wille(n) vn(de) dat he va(n) vnsen navolghe(re)n nicht ghebroken en werde hebbe wye en islik sin / ingheseghel an dissen brif ghehanghe(n) . Na godes ghebort dritteẏnhundert jar in deme / twe . vnd(e) sestigeste(n) iare des negeste(n) dinsdaghes na sunte elẏzabete(n) daghe